საქართველოს პრეზიდენტის
ბრძანებულება №358
2006 წლის 19 ივნისი
ქ. თბილისი
„საჯარო სამართლის იურიდიული პირის – მსოფლიო ბანკის ფინანსური მხარდაჭერით განსახორციელებელი საქართველოს სოფლის მეურნეობის განვითარების პროექტების საკოორდინაციო ცენტრის შექმნის შესახებ“ საქართველოს პრეზიდენტის 2001 წლის 23 აპრილის №149 ბრძანებულებაში ცვლილების შეტანის თაობაზე
„ნორმატიული აქტების შესახებ“ საქართველოს კანონის 36-ე მუხლის თანახმად „საჯარო სამართლის იურიდიული პირის – მსოფლიო ბანკის ფინანსური მხარდაჭერით განსახორციელებელი საქართველოს სოფლის მეურნეობის განვითარების პროექტების საკოორდინაციო ცენტრის შექმნის შესახებ“ საქართველოს პრეზიდენტის 2001 წლის 23 აპრილის №149 ბრძანებულებაში (სსმ III, 2001 წ., №40, მუხ. 309) შეტანილ იქნეს ცვლილება და ბრძანებულების მე-6 პუნქტი ჩამოყალიბდეს შემდეგი რედაქციით:
„6. ცენტრის დირექტორს თანამდებობაზე ნიშნავს და თანამდებობიდან ათავისუფლებს საქართველოს სოფლის მეურნეობის მინისტრი საქართველოს ფინანსთა მინისტრთან შეთანხმებით.“.
მ. სააკაშვილი