„საჯარო სამართლის იურიდიული პირის – ვახტანგ ჭაბუკიანის სახელობის თბილისის საბალეტო ხელოვნების სახელმწიფო სასწავლებლის რეორგანიზაციის შესახებ“

საქართველოს პრეზიდენტის

ბრძანებულება №205

2006 წლის 17 მარტი

ქ. თბილისი

საჯარო სამართლის იურიდიული პირის – ვახტანგ ჭაბუკიანის სახელობის თბილისის საბალეტო ხელოვნების სახელმწიფო სასწავლებლის რეორგანიზაციის შესახებ

1. რეორგანიზებულ იქნეს საჯარო სამართლის იურიდიული პირი – ვახტანგ ჭაბუკიანის სახელობის თბილისის საბალეტო ხელოვნების სახელმწიფო სასწავლებელი ზოგადსაგანმანათლებლო დაწესებულების (საჯარო სკოლა) გამოყოფის გზით.

2. ,,ნორმატიული აქტების შესახებ“ საქართველოს კანონის 36-ე მუხლის შესაბამისად ,,საჯარო სამართლის იურიდიული პირის – ვახტანგ ჭაბუკიანის სახელობის თბილისის საბალეტო ხელოვნების სახელმწიფო სასწავლებლის შექმნის შესახებ“ საქართველოს პრეზიდენტის 2004 წლის 29 ოქტომბრის №476 ბრძანებულებაში (სსმ III, 2004 წ., №1071, მუხ. 122) შეტანილ იქნეს ცვლილება და ბრძანებულების მე-2 პუნქტი ჩამოყალიბდეს შემდეგი რედაქციით:

,,2. საქართველოს კულტურის, ძეგლთა დაცვისა და სპორტის სამინისტრომ (გ. გაბაშვილი) უზრუნველყოს საჯარო სამართლის იურიდიული პირის – ვახტანგ ჭაბუკიანის სახელობის თბილისის საბალეტო ხელოვნების სახელმწიფო სასწავლებლის ახალი წესდების დამტკიცება და სასწავლებლის წარმომად-გენლობაზე უფლებამოსილი პირის დანიშვნა.“.

3. საქართველოს განათლებისა და მეცნიერების (ა. ლომაია), საქართველოს კულტურის, ძეგლთა დაცვისა და სპორტის და საქართველოს ეკონომიკური განვითარების (ი. ჩოგოვაძე) სამინისტროებმა უზრუნველყონ საჯარო სამართლის იურიდიული პირის – ვახტანგ ჭაბუკიანის სახელობის თბილისის საბალეტო ხელოვნების სახელმწიფო სასწავლებლის რეორგანიზაციასთან დაკავშირებით კანონმდებლობით გათვალისწინებული ღონისძიებების განხორციელება.

მ. სააკაშვილი