საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ

სახელმწიფო სარეგისტრაციო კოდი 480.040.000.22.030.013.974

საქართველოს საგარეო საქმეთა მინისტრის

ბრძანება №267

2009 წლის 28 დეკემბერი

ქ. თბილისი

“დიპლომატიური სამსახურის შესახებ“ საქართველოს კანონის 21-ე მუხლისა და 49-ე მუხლის მე-3 პუნქტის “გ.დ“ ქვეპუნქტის საფუძველზე, ვბრძანებ:

1. დამტკიცდეს თანდართული:

ა) “ინსტრუქცია საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების ანაზღაურების ნორმებისა და გაანგარიშების წესის შესახებ“ (დანართი №1);

ბ) “საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეთა თანამდებობრივი მაჩვენებლები“ (დანართი №2);

გ) “ადგილსამყოფელი ქვეყნის/ქალაქის სიძვირის ადაპტირებული კოეფიციენტი“ (დანართი №3).

დ) ადგილსამყოფელი ქვეყნის/ქალაქის ჩამონათვალი ადგილსამყოფელი ქვეყნის ვალუტის მიხედვით (დანართი №4 და დანართი №5).

საქართველოს საგარეო საქმეთა მინისტრის 2010 წლის 26 ნოემბრის ბრძანება №273-სსმ III, №158, 03.12.2010წ; მუხ.2233

2. საპროგნოზო სავალუტო კურსად განისაზღვროს 1 აშშ დოლარი – 1.7 ლარი და 1 ევრო – 2,5 ლარი.

3. საანგარიშგებო პერიოდში №4 და №5 დანართით გათვალისწინებულ ქვეყნებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების გაანგარიშებისათვის საბაზისო თანხა განისაზღვროს შესაბამისად 2425 ევროსა და 3395 აშშ დოლარის ოდენობით.

4. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეს და მისი ოჯახის წევრებს როტაციისას ერთჯერადად აუნაზღაურდებათ:

ა) მგზავრობის ღირებულება – “ეკონომ“ (ან შესაბამისი) კლასის სამგზავრო ბილეთებზე იმ პერიოდისათვის არსებული დადგენილი ტარიფების მიხედვით (ერთი ან ორი მიმართულებით);

ბ) ბარგის გადაზიდვის ხარჯები – ერთ პირზე 80 კგ-ის ოდენობით, საერთო ღირებულებით არა უმეტეს “ეკონომ“ კლასის ერთი სამგზავრო ავიაბილეთის (ერთი მიმართულებით) ღირებულების 100%-ისა, ხოლო ოჯახზე – არა უმეტეს 240 კგ-ისა, საერთო ღირებულებით არა უმეტეს “ეკონომ“ კლასის ერთი სამგზავრო ავიაბილეთის (ერთი მიმართულებით) ღირებულების 200 %-ისა.

5. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეს, რომელიც როტაციის დროს მგზავრობს მისი ან მისი ოჯახის წევრის საკუთრებაში არსებული ავტომანქანით, ავტომანქანის საკუთრების დამადასტურებელი დოკუმენტის (ასლის) წარმოდგენის საფუძველზე, ერთჯერადი გასაცემლის სახით, ეძლევა მგზავრობისა და ბარგის გადაზიდვის ხარ-ჯების საკომპენსაციო თანხა, რომელიც შეესაბამება “ეკონომ“ კლასის ერთი სამგზავრო ავიაბილეთის (ერთი მიმართულებით) ღირებულების 100%-ის ოდენობას.

6. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეს როტაციისას უნაზღაურდება მისი და მისი ოჯახის წევრების პირველადი მოწყობის ხარჯები, რომელიც მოიცავს:

ა) ბინის დაქირავებამდე ხარჯებს (სასტუმროს და სხვა ხარჯები);

ბ) ბინის დაქირავებასთან დაკავშირებულ ხარჯებს (სატრანსპორტო, მაკლერის და სხვა ხარჯები);

გ) პირველად საყოფაცხოვრებო მოწყობასთან დაკავშირებულ ხარჯებს (საოჯახო ინვენტარი, მოწყობილობა და სხვა).

7. ამ ბრძანების მე-6 პუნქტით გათვალისწინებული პირველადი მოწყობის ხარჯებისათვის მოსამსახურეებს ერთჯერადი დახმარების სახით მიეცემათ “მოსამსახურეთათვის სამსახურებრივი მივლინების ხარჯების ანაზღაურების შესახებ“ საქართველოს პრეზიდენტის 2005 წლის 20 აპრილის №231 ბრძანებულების №2 დანართით განსაზღვრული, ქვეყნის ფარგლებს გარეთ მოკლევადიანი მივლინების დროს უცხოური ვალუტით ანაზღაურების სადღეღამისო ნორმების სამოცმაგი ოდენობის თანხა.

8. ამ ბრძანების მე-6 პუნქტით გათვალისწინებული პირველადი მოწყობის ხარჯები არ გაიცემა იმავე ქალაქში განლაგებულ საქართველოს დიპლომატიურ წარმომადგენლობაში ან საკონსულო დაწესებულებაში დანიშნულ მოსამსახურეებზე.

9. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეს და მის ოჯახის წევრებს ყოველწლიურად კუთვნილ შვებულებასთან დაკავშირებით აუნაზღაურდება:

ა) მოსამსახურეს – გრძელვადიანი სამუშაო მივლინების ყოველთვიური განაკვეთით კუთვნილი ერთი თვის თანხა (დანართი №1);

ბ) მოსამსახურეს და მის ოჯახის წევრებს – “ეკონომ“-კლასის (ან შესაბამისი) სამგზავრო ბილეთების (ორივე მიმართულებით) ღირებულება ნებისმიერ ქვეყანაში გასამგზავრებლად, მაგრამ მათი საერთო ღირებულება არ უნდა აღემატებოდეს საქართველოში მგზავრობის ღირებულებას “ეკონომ“ კლასის სამგზავრო ავიაბილეთებზე (ორივე მიმართულებით) დადგენილი ტარიფების მიხედვით;

გ) მოსამსახურის (გარდა მოსამსახურისა, რომელსაც სამსახურებრივი საჭიროებიდან გამომდინარე შეუწყდება შვებულება) მიერ ყოველწლიური შვებულების ნაწილ-ნაწილ გამოყენების შემთხვევაში მგზავრობის ხარჯები ანაზღაურდება მხოლოდ ერთხელ, ამავე ბრძანების მე-9 პუნქტის “ბ“ ქვეპუნქტით გათვალისწინებული პირობების შესაბამისად.

10. შვებულებიდან გამოძახების გამო შვებულების შეწყვეტის შემთხვევაში მოსამსახურის მიერ შვებულების დარჩენილი ნაწილით სარგებლობისას მგზავრობის ხარჯები აუნაზღაურდება მხოლოდ მოსამსახურეს.

11. მოსამსახურის მოთხოვნის საფუძველზე, წელიწადში ერთხელ, თუ იგი არ იმყოფება კუთვნილ შვებულებაში ან არ იყენებს მას, შესაძლებელია მისი ოჯახის წევრებს აუნაზღაურდეთ “ეკონომ“ (ან შესაბამისი) კლასის სამგზავრო ბილეთების ღირებულება ნებისმიერ ქვეყანაში გასამგზავრებლად, მაგრამ არა უმეტეს საქართველოში მგზავრობის ღირებულების “ეკონომ“ კლასის სამგზავრო ავიაბილეთებზე (ორივე მიმართულებით) დადგენილი ტარიფების ფარგლებში.

12. მოსამსახურის არყოფნის პერიოდში, მის ნაცვლად დროებით მოვალეობის შემსრულებლად დანიშნული მოსამსახურის გრძელვადიანი სამუშაო მივლინების ხარჯების ანაზღაურება გადაანგარიშებას არ ექვემდებარება.

13. ნება დაერთოთ საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ხელმძღვანელებს, გამოყოფილი ასიგნებების ფარგლებში, საჭიროების შემთხვევაში, როტაციის წესით სამუშაოდ მივლინებულ მოსამსახურეზე ავანსის სახით გასცენ ბინის დაქირავებასთან დაკავშირებით საავანსო თანხები არა უმეტეს სამი თვის ბინის ქირის ოდენობისა. საავანსო თანხის ხელმეორედ გაცემა დასაშვებია მხოლოდ ამ ბრძანების მე-15 პუნქტის შესაბამისად მოსამსახურის მიერ ავანსის დაბრუნების შემდეგ.

14. ბინის დაქირავებასთან დაკავშირებული ავანსის გარდა სხვა ავანსის გაცემა დაუშვებელია, გარდა კანონმდებლობით გათვალისწინებული შემთხვევებისა.

15. ამ ბრძანების მე-13 პუნქტით გათვალისწინებული საავანსო თანხა დაბრუნებულ უნდა იქნეს მიმდინარე წლის ბოლომდე არა უმეტეს ექვსი თვის ვადაში. განსაკუთრებულ შემთხვევაში (როდესაც ადგილსამყოფელ ქვეყანაში საავანსო თანხა მნიშვნელოვნად აღემატება მოსამსახურის გრძელვადიანი სამუშაო მივლინების ერთი თვის ანაზღაურების ოდენობას) შესაძლებელია აღნიშნული ვადის გაგრძელება საქართველოს საგარეო საქმეთა მინისტრის ბრძანების საფუძველზე.

15¹. ამ ბრძანების მე-15 პუნქტით გათვალისწინებულ საავანსო თანხის ვადაში დაბრუნებაზე პასუხისმგებლობა ეკისრება მოსამსახურეს, ხოლო კონტროლის განხორციელების ვალდებულება – დიპლომატიური წარმომადგენლობისა და საკონსულო დაწესებულების ხელმძღვანელს.

16. ძალადაკარგულად ჩაითვალოს “საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ“ საქართველოს საგარეო საქმეთა მინისტრის 2008 წლის 30 დეკემბრის №211 ბრძანება.

17. ამ ბრძანებით განსაზღვრული ღონისძიებების ფინანსური უზრუნველყოფა განხორციელდეს წლიური სახელმწიფო ბიუჯეტის შესახებ საქართველოს კანონით საქართველოს საგარეო საქმეთა სამინისტროსათვის დამტკიცებული ასიგნებების ფარგლებში.

18. ბრძანების შესრულებაზე კონტროლი და პასუხისმგებლობა დაევალოთ საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ხელმძღვანელებს.

19. ბრძანება ამოქმედდეს 2010 წლის 1 იანვრიდან.

მინისტრის მოვალეობის

შემსრულებელი გ. ბოკერია

შეტანილი ცვლილებები:

1. საქართველოს საგარეო საქმეთა მინისტრის 2010 წლის 28 ივნისის ბრძანება №147-სსმ III, №77, 01.07.2010წ; მუხ.1129

2. საქართველოს საგარეო საქმეთა მინისტრის 2010 წლის 26 ნოემბრის ბრძანება №273-სსმ III, №158, 03.12.2010წ; მუხ.2233

3. ძალადაკარგულია- საქართველოს საგარეო საქმეთა მინისტრის 28 დეკემბრის ბრძანება №295-სსმIII,№171,30.12.2010წ.,მუხ.2460

დანართი №1

ი ნ ს ტ რ უ ქ ც ი ა

საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების ანაზღაურების ნორმებისა და გაანგარიშების წესის შესახებ

მუხლი 1

დაფინანსების რეგულირების ადაპტირებული კოეფიციენტების გამოანგარიშებისათვის გამოიყენება შემდეგი ძირითადი ელემენტები:

ა) კვების პროდუქტები და უალკოჰოლო სასმელები;

ბ) ალკოჰოლური სასმელები და თამბაქო;

გ) ფეხსაცმელი და ტანსაცმელი;

დ) ბინის დაქირავების, ექსპლუატაციის, კომუნალური და სხვა ხარჯები;

ე) ბინის ინვენტარი;

ვ) სამედიცინო დაზღვევა;

ზ) განათლების ხარჯები;

თ) სატრანსპორტო ხარჯები;

ი) კულტურულ-გამაჯანსაღებელი ღონისძიებების ხარჯები;

კ) გაუთვალისწინებელი ხარჯები.

მუხლი 2

საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების შემადგენელი ძირითადი ელემენტებია:

ა) საქართველოს საგარეო საქმეთა მინისტრის მიერ დამტკიცებული საბაზისო თანხა;

ბ) დაფინანსების რეგულირების ადაპტირებული კოეფიციენტები:

ბ.ა) ადგილსამყოფელი ქვეყნის/ქალაქის სიძვირის კოეფიციენტი;

ბ.ბ) ბინის ქირის ხვედრითი წილი.

მუხლი 3

1. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებუ-ლებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების თანხის გაანგარიშება ხორციელდება შემდეგი წესით:

ა) გრძელვადიანი სამუშაო მივლინების ყოველთვიური განაკვეთი (S) გაიანგარიშება ფორმულით:

S = D + (– T + F)

სადაც:

D არის სამივლინებო თანხის პერსონალური განაკვეთი;

T – სამივლინებო თანხის პერსონალურ განაკვეთში ბინის ქირის წილი;

F – ბინის ქირის სუბსიდია.

ბ) სამივლინებო თანხის პერსონალური განაკვეთი გაიანგარიშება ფორმულით:

D = (H xA xK ) x (100+Cx Q )%

სადაც:

H არის საბაზისო თანხა;

A – თანამდებობრივი მაჩვენებელი პროცენტებში;

K – ადგილსამყოფელი ქვეყნის/ქალაქის სიძვირის ადაპტირებული კორექტირებული კოეფიციენტი;

C – ოჯახის წევრთა რაოდენობა

Q –ოჯახის თითოეულ წევრზე პროცენტული დანამატი (Q = 7%).

გ) სამივლინებო თანხის პერსონალურ განაკვეთში ბინის ქირის წილი (T) გაიანგარიშება ფორმულით:

T = D x E

სადაც:

D – სამივლინებო თანხის პერსონალური განაკვეთი;

E – ბინის ქირის ხვედრითი წილი პროცენტებში.

დ) ბინის ქირის სუბსიდია (F) გაიანგარიშება:

დ.ა) იმ შემთხვევაში, როდესაც ბინის ქირა (G) ნულის ტოლია, მაშინ ბინის ქირის სუბსიდიაც ტოლია ნულის:

G = 0 = F

დ.ბ). იმ შემთხვევაში, როდესაც G < T, მაშინ:

F = T

დ.გ) იმ შემთხვევაში, როდესაც G > T, მაშინ:

დ.გ.ა) დიპლომატიური დაწესებულების ხელმძღვანელებს აუნაზღაურდებათ სხვაობის 80%, ანუ F = T + (G - T) x 80%, ოღონდ არა უმეტეს ბინის ქირის წილის 200%-ის – (G - T) x 80% <= 2 x T;

დ.გ.ბ) დიპდიპლომატიური დაწესებულების დანარჩენ მოსამსახურეებს აუნაზღაურდებათ სხვაობის 50%, ანუ F = T + (G - T) x 50%, ოღონდ არა უმეტეს ბინის ქირის წილის 100%-ის – (G - T) x 50% <= T.

მუხლი 4

1. საზღვარგარეთ საქართველოს ერთსა და იმავე დიპლომატიურ წარმომადგენლობასა ან საკონსულო დაწესებულებაში როტაციის წესით სამუშაოდ მივლინებული მოსამსახურის ოჯახის ორი ან მეტი წევრის შემთხვევაში ოჯახის სხვა წევრებზე დანამატს მიიღებს მხოლოდ ის, რომელიც ამ ბრძანების №2 დანართით დამტკიცებული თანამდებობრივი მაჩვენებლებით უფრო მაღალ კატეგორიას განეკუთვნება, ხოლო ბინის დაქირავება უნდა განახორციელოს მათ შორის ერთ-ერთმა.

2. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებული პირის ბინის ქირის ოდენობის ან მისი ოჯახის წევრთა რაოდენობის შეცვლის შემდეგ მომდევნო თვის პირველი რიცხვიდან ხორციელდება გრძელვადიანი სამუშაო მივლინების ხარჯის გადაანგარიშება დიპლომატიური დაწესებულებისათვის დამტკიცებული ასიგნებების ფარგლებში.

3. ამ მუხლის მე-2 პუნქტით გათვალისწინებულ შემთხვევებში საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებული პირი ვალდებულია სამი დღის ვადაში წარმოადგინოს საქართველოს საგარეო საქმეთა სამინისტროში დიპლომატიური დაწესებულების ხელმძღვანელის მიერ ხელმოწერილი ცნობა მოსამსახურის ბინის ქირის ოდენობისა ან ოჯახის წევრების რაოდენობის შეცვლის შესახებ.

დანართი №2

საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ მოსამსახურეთა თანამდებობრივი მაჩვენებლები

N	თანამდებობის დასახელება	მაჩვენებელი პროცენტებში
1	2	3
1	საგანგებო და სრულუფლებიანი ელჩი, საერთაშორისო ორგნიზაციასთან საქართველოს მუდმივი წარმომადგენელი, საქართველოს დიპლომატიური მისიის ხელმძღვანელი	100
2	საქართველოს გენერალური კონსული	80
3	საგანგებო და სრულუფლებიანი დესპანი, საერთაშორისო ორგანიზაციასთან საქართველოს მუდმივი წარმომადგენლის მოადგილე	75
4	უფროსი მრჩეველი, კონსული	70
5	მრჩეველი, ფინანსური მენეჯერი	65
6	ვიცე-კონსული, პირველი მდივანი	60
7	მეორე მდივანი	55
8	მესამე მდივანი, ატაშე, რეფერენტი	50
9	კანცელარიის გამგე, სამეურნეო ნაწილის გამგე	45
10	მძღოლი	40

დანართი №3

ადგილსამყოფელი ქვეყნის/ქალაქის სიძვირის ადაპტირებული კოეფიციენტი

№	ადგილსამყოფელი ქვეყნის/ქალაქის ჩამონათვალი	ადაპტირებული კორექტირებული კოეფიციენტი	ბინა
1	ავსტრიის რესპუბლიკა ქ. ვენა	1.760	21
2	აზერბაიჯანის რესპუბლიკა ქ. ბაქო	1.281	24
3	აშშ ქ. ვაშინგტონი	1.637	28
4	აშშ ქ. ნიუ-იორკში	1.882	32
5	ბელარუსის რესპუბლიკა ქ. მინსკი	1.221	21
6	ბელგიის სამეფო ქ. ბრიუსელი	1.75	18
7	ბრაზილიის ფედერაციული რესპუბლიკა ქ. ბრაზილია	1.494	23
8	ბულგარეთის რესპუბლიკა ქ. სოფია	1.365	14
9	გერმანიის ფედერაციული რესპუბლიკა ქ. ბერლინი	1.793	28
10	დანიის სამეფო ქ.კოპენჰაგენი	1.903	26
11	დიდი ბრიტანეთის გაერთიანებული სამეფო ქ. ლონდონი	1.982	30
12	ეგვიპტის არაბთა რესპუბლიკა ქ. კაირო	1.268	21
13	ესპანეთის სამეფო ქ. მადრიდი	1.71	23
14	ესტონეთის რესპუბლიკა ქ. ტალინი	1.473	20
15	თურქეთის რესპუბლიკა ქ. ანკარა	1.573	21
16	თურქეთის რესპუბლიკა ქ. სტამბული	1.573	21
17	თურქეთის რესპუბლიკა ქ. ტრაპიზონი	1.573	21
18	თურქმენეთი ქ. აშხაბადი	1.327	11
19	იაპონია ქ. ტოკიო	2.202	29
20	იორდანიის ჰაშიმიტური სამეფო ქ. ამანი	1.263	17
21	ირანის ისლამური რესპუბლიკა ქ. თეირანი	1.472	24
22	ისრაელის სახელმწიფო ქ.თელ-ავივი	1.563	21
23	იტალიის რესპუბლიკა ქ. რომი	1.791	22
24	ინდოეთის რესპუბლიკა ქ. ნიუ– დელი	1.32	24
25	ირლანდიის რესპუბლიკა ქ.დუბლინი	1.675	27
26	კვიპროსის რესპუბლიკა ქ.ნიქოზია	1.575	20
27	ლატვიის რესპუბლიკა ქ.რიგა	1.57	21
28	ლიტვის რესპუბლიკა ქ. ვილნიუსი	1.514	19
29	მექსიკის შეერთებული შტატები ქ. მეხიკო	1.376	23
30	ნიდერლანდების სამეფო ქ. ჰააგა	1.711	25
31	პოლონეთის რესპუბლიკა ქ. ვარშავა	1.594	21
32	პორტუგალიის რესპუბლიკა ქ. ლისაბონი	1.501	22
33	რუსეთის ფედერაცია ქ. მოსკოვი	1.716	27
34	რუმინეთი ქ. ბუქარესტი	1.493	21
35	საბერძნეთის რესპუბლიკა ქ. ათენი	1.634	17
36	საბერძნეთის რესპუბლიკა ქ. სალონიკი	1.634	17
37	საფრანგეთის რესპუბლიკა ქ. პარიზი	1.799	23
38	საფრანგეთის რესპუბლიკა ქ. სტრასბურგი	1.799	23
39	სლოვაკეთის რესპუბლიკა ქ.ბრატისლავა	1.636	20
40	სომხეთის რესპუბლიკა ქ. ერევანი	1.144	18
41	სამხრეთ კორეის რესპუბლიკა ქ. სეული	1.402	21
42	სლოვენიის რესპუბლიკა ქ. ლიუბლიანა	1.378	23
43	სამხრეთ აფრიკის რესპუბლიკა ქ.პრეტორია	1.236	17
44	უზბეკეთის რესპუბლიკა ქ.ტაშკენტი	1.121	21
45	უკრაინა ქ. კიევი	1.227	28
46	უკრაინა ქ. ოდესა	1.227	28
47	უკრაინა ქ. დონეცკი	1.227	28
48	უნგრეთის რესპუბლიკა ქ.ბუდაპეშტი	1.567	24
49	ქუვეითის სახელმწიფო ქ. ელ–ქუვეითი	1.423	23
50	ყაზახეთის რესპუბლიკა ქ. ასტანა	1.285	21
51	შვედეთის სამეფო ქ.სტოკჰოლმი	1.735	24
52	შვეიცარიის კონფედერაცია ქ.ჟენევა	1.849	23
53	ჩეხეთის რესპუბლიკა ქ. პრაღა	1.696	23
54	ჩინეთის სახალხო რესპუბლიკა ქ. პეკინი	1.588	23
55	ხორვატიის რესპუბლიკა ქ. ზაგრები	1.589	22

საქართველოს საგარეო საქმეთა მინისტრის 2010 წლის 28 ივნისის ბრძანება №147-სსმ III, №77, 01.07.2010; მუხ.1129

დანართი №4

ადგილსამყოფელი ქვეყნის/ქალაქის ჩამონათვალი ევროში დასაფინანსებელი ვალუტის მიხედვით

№	ადგილსამყოფელი ქვეყნის/ქალაქის ჩამონათვალი
1	ავსტრიის რესპუბლიკა ქ. ვენა
2	ბელგიის სამეფო ქ. ბრიუსელი
3	ბულგარეთის რესპუბლიკა ქ. სოფია
4	გერმანიის ფედერაციული რესპუბლიკა ქ. ბერლინი
5	დანიის სამეფო ქ.კოპენჰაგენი
6	დიდი ბრიტანეთის გაერთიანებული სამეფო ქ. ლონდონი
7	ესპანეთის სამეფო ქ. მადრიდი
8	ესტონეთის რესპუბლიკა ქ. ტალინი
9	თურქეთის რესპუბლიკა ქ. ანკარა
10	თურქეთის რესპუბლიკა ქ. სტამბული
11	თურქეთის რესპუბლიკა ქ. ტრაპიზონი
12	ირანის ისლამური რესპუბლიკა ქ. თეირანი
13	იტალიის რესპუბლიკა ქ. რომი
14	ირლანდიის რესპუბლიკა ქ.დუბლინი
15	კვიპროსის რესპუბლიკა ქ.ნიქოზია
16	ლატვიის რესპუბლიკა ქ.რიგა
17	ლიტვის რესპუბლიკა ქ. ვილნიუსი
18	ნიდერლანდების სამეფო ქ. ჰააგა
19	პოლონეთის რესპუბლიკა ქ. ვარშავა
20	პორტუგალიის რესპუბლიკა ქ. ლისაბონი
21	რუმინეთი ქ. ბუქარესტი
22	საბერძნეთის რესპუბლიკა ქ. ათენი
23	საბერძნეთის რესპუბლიკა ქ. სალონიკი
24	საფრანგეთის რესპუბლიკა ქ. პარიზი
25	საფრანგეთის რესპუბლიკა ქ. სტრასბურგი
26	სლოვაკეთის რესპუბლიკა ქ.ბრატისლავა
27	სლოვენიის რესპუბლიკა ქ. ლიუბლიანა
28	უნგრეთის რესპუბლიკა ქ.ბუდაპეშტი
29	შვედეთის სამეფო ქ.სტოკჰოლმი
30	შვეიცარიის კონფედერაცია ქ.ჟენევა
31	ჩეხეთის რესპუბლიკა ქ. პრაღა
32	ხორვატიის რესპუბლიკა ქ. ზაგრები

დანართი №5

ადგილსამყოფელი ქვეყნის/ქალაქის ჩამონათვალი აშშ დოლარში დასაფინანსებელი ვალუტის მიხედვით

№	ადგილსამყოფელი ქვეყნის/ქალაქის ჩამონათვალი
1	აზერბაიჯანის რესპუბლიკა ქ. ბაქო
2	აშშ ქ. ვაშინგტონი
3	აშშ ქ. ნიუ-იორკში
4	ბელარუსის რესპუბლიკა ქ. მინსკი
5	ბრაზილიის ფედერაციული რესპუბლიკა ქ. ბრაზილია
6	ეგვიპტის არაბთა რესპუბლიკა ქ. კაირო
7	თურქმენეთი ქ. აშხაბადი
8	იაპონია ქ. ტოკიო
9	იორდანიის ჰაშიმიტური სამეფო ქ. ამანი
10	ისრაელის სახელმწიფო ქ.თელ-ავივი
11	ინდოეთის რესპუბლიკა ქ. ნიუ– დელი
12	მექსიკის შეერთებული შტატები ქ. მეხიკო
13	რუსეთის ფედერაცია ქ. მოსკოვი
14	სომხეთის რესპუბლიკა ქ. ერევანი
15	სამხრეთ კორეის რესპუბლიკა ქ. სეული
16	სამხრეთ აფრიკის რესპუბლიკა ქ.პრეტორია
17	უზბეკეთის რესპუბლიკა ქ.ტაშკენტი
18	უკრაინა ქ. კიევი
19	უკრაინა ქ. ოდესა
20	უკრაინა ქ. დონეცკი
21	ქუვეითის სახელმწიფო ქ. ელ–ქუვეითი
22	ყაზახეთის რესპუბლიკა ქ. ასტანა
23	ჩინეთის სახალხო რესპუბლიკა ქ. პეკინი