სახელმწიფო სარეგისტრაციო კოდი 040.030.000.22.022.013.802
საქართველოს განათლებისა და მეცნიერების მინისტრის
ბრძანება №1019
2009 წლის 18 ნოემბერი
ქ. თბილისი
„ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ“ საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებაში ცვლილებების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლისა და „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებული დებულების მე-3 მუხლის მე-2 პუნქტის „მ“ ქვეპუნქტის საფუძველზე, ვბრძანებ:
1. „ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ“ საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებაში (სსმ III, 26.09.2005, 112, მუხ. 1233) შეტანილ იქნეს შემდეგი ცვლილებები:
ა) დანართ 2-ში ხელვაჩაურის მუნიციპალიტეტის საჯარო სკოლების ნუსხაში მითითებულ „სოფ. სალიბაურის №2 საჯარო სკოლას“ ეწოდოს „სოფ. სალიბაურის №1 საჯარო სკოლა“ და ნუსხის 22-ე პუნქტი ჩამოყალიბდეს შემდეგი რედაქციით:
| 22 | სოფ. სალიბაურის №1 საჯარო სკოლა | სოფ. სალიბაური | დაწ-საბ-საშ |
ბ) დანართი №3-ში მითითებულ „სოფელ სალიბაურის №1 საჯარო სკოლა“ ეწოდოს „სოფელ სალიბაურის №2 საჯარო სკოლა“ და დანართის მე-8 პუნქტი ჩამოყალიბდეს შემდეგი რედაქციით:
| 8 | სოფელ სალიბაურის №2 საჯარო სკოლა | სოფელი სალიბაური | დაწ-საბ-საშ |
2. ბრძანება ამოქმედდეს გამოქვეყნებისთანავე.
ნ. გვარამია