„რეკლამისა და საცალო რეალიზაციის მიზნით პირველი და მესამე ჯგუფისათვის მიკუთვნებული ფარმაცევტული პროდუქტების ნუსხის განსაზღვრის შესახებ“

საქართველოს შრომის, ჯანმრთელობისა და სოციალური დაცვის მინისტრის

ბრძანება №331/ნ

2009 წლის 13 ოქტომბერი

ქ. თბილისი

,,რეკლამისა და საცალო რეალიზაციის მიზნით პირველი და მესამე ჯგუფისათვის მიკუთვნებული ფარმაცევტული პროდუქტების ნუსხის განსაზღვრის შესახებ“

,,წამლისა და ფარმაცევტული საქმიანობის შესახებ“ საქართველოს კანონის 11² მუხლის მე-3 პუნქტის შესაბამისად, ვბრძანებ:

1. ,,წამლისა და ფარმაცევტული საქმიანობის შესახებ“ საქართველოს კანონის მიზნებისათვის I ჯგუფს მიკუთვნებულ ფარმაცევტულ პროდუქტად განისაზღვროს:

ა) ,,ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ” საქართველოს კანონით განსაზღვრული სპეციალურ კონტროლს დაქვემდებარებული ფარმაცევტული პროდუქტები;

ბ) სპეციალურ კონტროლს დაქვემდებარებულ ფარმაცევტულ პროდუქტთან გათანაბრებული სამკურნალო საშუალებები.

საქართველოს შრომის, ჯანმრთელობისა და სოციალური დაცვის მინისტრის 2014 წლის 11 თებერვლის ბრძანება №01-11/ნ - ვებგვერდი, 12.02.2014წ.

საქართველოს შრომის, ჯანმრთელობისა და სოციალური დაცვის მინისტრის 2014 წლის 4 ივლისის ბრძანება №01-43/ნ - ვებგვერდი, 07.07.2014წ.

2. ,,წამლისა და ფარმაცევტული საქმიანობის შესახებ“ საქართველოს კანონის მიზნებისათვის III ჯგუფს მიკუთვნებულ ფარმაცევტულ პროდუქტად განისაზღვრება დანართი №1-ში მოცემული ფარმაცევტული პროდუქტები.

3. „წამლისა და ფარმაცევტული საქმიანობის შესახებ” საქართველოს კანონის 11² მუხლის მე-2 პუნქტის საფუძველზე, III ჯგუფს მიკუთვნებულ ფარმაცევტულ პროდუქტად აგრეთვე განისაზღვროს ისეთი ფარმაცევტული პროდუქტი, რომელიც თავისი გენერიკული დასახელების, ფორმისა და დოზის მიხედვით დანართ N1-ში III ჯგუფს მიკუთვნებული რომელიმე ფარმაცევტულ პროდუქტის ანალოგიურია, თუმცა აქვს სხვა სავაჭრო დასახელება. ასეთი ტიპის ფარმაცევტული პროდუქტის დადგენა ხორციელდება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირის – სამედიცინო და ფარმაცევტული საქმიანობის რეგულირების სააგენტოს (შემდგომში – სააგენტო) მიერ, რომელიც ავტომატურად უზრუნველყოფს ინფორმაციის სააგენტოს ოფიციალურ ვებგვერდზე განთავსებას – ხელმისაწვდომობისა და საჯაროობის უზრუნველსაყოფად.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2018 წლის 27 ნოემბრის ბრძანება №01-40/ნ - ვებგვერდი, 30.11.2018წ.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2019 წლის 22 ოქტომბრის ბრძანება №01-79/ნ - ვებგვერდი, 23.10.2019 წ.

4. III ჯგუფს მიკუთვნებულ ფარმაცევტულ პროდუქტად ასევე განისაზღვროს ისეთი ფარმაცევტული პროდუქტი, რომლის მოხმარებაც ფარმაცევტული პროდუქტის ინსტრუქციის შესაბამისად დასაშვებია ექიმის დანიშნულების გარეშე. ამ შემთხვევაში, სააგენტო, ასეთი პროდუქტის საქართველოს ბაზარზე დაშვებისათვის ადმინისტრაციული პროცედურის დასრულების შემდეგ, ავტომატურად უზრუნველყოფს ინფორმაციის სააგენტოს ოფიციალურ ვებ-გვერდზე განთავსებას – ხელმისაწვდომობისა და საჯაროობის უზრუნველსაყოფად.

საქართველოს შრომის, ჯანმრთელობისა და სოციალური დაცვის მინისტრის 2014 წლის 11 თებერვლის ბრძანება №01-11/ნ - ვებგვერდი, 12.02.2014წ.

4¹. „წამლისა და ფარმაცევტული საქმიანობის შესახებ“ საქართველოს კანონის მე-3 მუხლის მე-3 პუნქტის „ა“ და „თ“ ქვეპუნქტებისა და 11² მუხლის მე-2, მე-3 და მე-4 პუნქტების გათვალისწინებით, ფარმაცევტული პროდუქტების რეკლასიფიკაციის უფლება (გარდა პირველი ჯგუფისა) მიენიჭოს სააგენტოს. ამ შემთხვევაში, სააგენტო, რეკლასიფიკაციის ადმინისტრაციული პროცედურის დასრულების შემდეგ, ავტომატურად უზრუნველყოფს ინფორმაციის სააგენტოს ოფიციალურ ვებგვერდზე განთავსებას – ხელმისაწვდომობისა და საჯაროობის უზრუნველსაყოფად.

საქართველოს შრომის, ჯანმრთელობისა და სოციალური დაცვის მინისტრის 2014 წლის 16 აგვისტოს ბრძანება №01-57/ნ - ვებგვერდი, 18.08.2014წ.

5. ბრძანება ამოქმედდეს 2009 წლის 15 ოქტომბრიდან.

ა. კვიტაშვილი

დანართი №1