სახელმწიფო სარეგისტრაციო კოდი 200.090.000.22.033.013.394
საქართველოს ფინანსთა მინისტრის
ბრძანება №515
2009 წლის 6 აგვისტო
ქ. თბილისი
,,გადასახადის გადამხდელთა სახელმწიფო ან/და საგადასახადო რეგისტრაციის/აღრიცხვის, იურიდიულ პირთა ფილიალების სახელმწიფო ან/და საგადასახადო რეგისტრაციის/აღრიცხვის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 8 მაისის №419 ბრძანებაში დამატების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:
მუხლი 1. ,,გადასახადის გადამხდელთა სახელმწიფო ან/და საგადასახადო რეგისტრაციის/აღრიცხვის, იურიდიულ პირთა ფილიალების სახელმწიფო ან/და საგადასახადო რეგისტრაციის/აღრიცხვის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 8 მაისის №419 ბრძანებით (სსმ III, 08.05.2008წ., №70, მუხ.757) დამტკიცებულ ,,გადასახადის გადამხდელთა სახელმწიფო ან/და საგადასახადო რეგისტრაციის/აღრიცხვის, იურიდიულ პირთა ფილიალების სახელმწიფო ან/და საგადასახადო რეგისტრაციის/აღრიცხვის წესის შესახებ“ ინსტრუქციის მე-9 მუხლს დაემატოს შემდეგი შინაარსის მე-7 პუნქტი:
,,7. საწარმოთა/ორგანიზაციათა რეორგანიზაციისას (გარდა საწარმოს/ორგანიზაციის სამართლებრივი ფორმის ცვლილებისა) სახელმწიფო და სამეწარმეო რეესტრში ცვლილებების შეტანის მიზნით, რეორგანიზაციაში მონაწილე მხარეების მიერ შესაბამის მარეგისტრირებელ ორგანოს წარედგინება ,,გადამხდელთა პირადი აღრიცხვის ბარათების წარმოების წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2005 წლის 7 აპრილის №228 ბრძანებით დამტკიცებული დანართი №17 – შედარების აქტი.“.
მუხლი 2. ეს ბრძანება ამოქმედდეს გამოქვეყნებისთანავე.
კ. ბაინდურაშვილი