სახელმწიფო სარეგისტრაციო კოდი 010.240.070.22.024.012.715
საქართველოს ეკონომიკური განვითარების მინისტრის
ბრძანება №1-1/95
2009 წლის 26 იანვარი
ქ. თბილისი
,,საქართველოს ეკონომიკური განვითარების სამინისტროს სახელმწიფო საქვეუწყებო დაწესებულების – ტურიზმისა და კურორტების დეპარტამენტის დებულების დამტკიცების შესახებ“ საქართველოს ეკონომიკური განვითარების მინისტრის 2008 წლის 7 აგვისტოს №1-1/1608 ბრძანებაში ცვლილების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
მუხლი 1. ,,საქართველოს ეკონომიკური განვითარების სამინისტროს სახელმწიფო საქვეუწყებო დაწესებულების ტურიზმისა და კურორტების დეპარტამენტის დებულების დამტკიცების შესახებ“ საქართველოს ეკონომიკური განვითარების მინისტრის 2008 წლის 7 აგვისტოს №1-1/1608 ბრძანებით (სსმ III, 07.08.2008 წ., №113, მუხლი 1237) დამტკიცებულ „საქართველოს ეკონომიკური განვითარების სამინისტროს სახელმწიფო საქვეუწყებო დაწესებულების – ტურიზმისა და კურორტების დეპარტამენტის დებულებაში“ შეტანილ იქნეს ცვლილება და პირველი მუხლის მე-6 პუნქტი ჩამოყალიბდეს შემდეგი რედაქციით:
,,6. დეპარტამენტის ადგილსამყოფელია: ქ. თბილისი, გ. ჭანტურიას ქ. №12.“.
მუხლი 2. ბრძანება ძალაშია გამოქვეყნებისთანავე.
ლ. ჟვანია