სახელმწიფო სარეგისტრაციო კოდი 040.200.010.22.027.012.603
საქართველოს იუსტიციის მინისტრის
ბრძანება №1
2009 წლის 5 იანვარი
ქ. თბილისი
,,სპეციალური სარიტუალო მომსახურების წესის დამტკიცების შესახებ“ საქართველოს იუსტიციის მინისტრის 2006 წლის 11 მაისის №487 ბრძანებაში ცვლილების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
1. ,,სპეციალური სარიტუალო მომსახურების წესის დამტკიცების შესახებ“ საქართველოს იუსტიციის მინისტრის 2006 წლის 11 მაისის №487 ბრძანებით (სსმ III, 2006 წ., №65, მუხ. 837) დამტკიცებული ,,სპეციალური სარიტუალო მომსახურების წესის“ მე-2 პუნქტი ჩამოყალიბდეს შემდეგი რედაქციით:
,,2. სპეციალური სარიტუალო მომსახურება წარმოადგენს სამოქალაქო რეესტრის სააგენტოს ქორწინების სახლების, სიღნაღის, ქუთაისის, ოზურგეთის, ზუგდიდის, ხარაგაულის, სამტრედიის, თერჯოლის, ვანისა და გარდაბნის სამსახურის კომპეტენციას.“.
2. ეს ბრძანება ამოქმედდეს გამოქვეყნებისთანავე.
ზ. ადეიშვილი