სახელმწიფო სარეგისტრაციო კოდი 110.060.010.39.036.012.156
საქართველოს გენერალური პროკურორის
ბრძანება № 2
2008 წლის 8 სექტემბერი
ქ . თბილისი
,, საქართველოს პროკურატურის შინაგანაწესის დამტკიცების შესახებ “ საქართველოს გენერალური პროკურორის 2006 წლის 3 აგვისტოს № 11 ბრძანებაში ცვლილებისა და დამატებების შეტანის თაობაზე
,, პროკურატურის შესახებ “ საქართველოს ორგანული კანონის მე -7 მუხლის მე -6 პუნქტის ,, ო “ ქვეპუნქტისა და ,, ნორმატიული აქტების შესახებ “ საქართველოს კანონის 36- ე მუხლის შესაბამისად , ვბრძანებ :
მუხლი 1. ,, საქართველოს პროკურატურის შინაგანაწესის დამტკიცების შესახებ “ საქართველოს გენერალური პროკურორის 2006 წლის 3 აგვისტოს № 11 ბრძანებაში ( სსმ III, 2006 წელი , № 104, მუხ . 1404) შეტანილ იქნეს შემდეგი ცვლილება და დამატებები :
1. ბრძანების მე -4 პუნქტის შემდეგ დაემატოს შემდეგი შინაარსის 41 პუნქტი :
,,4 1 . დამტკიცდეს პროკურატურის კუთვნილი მატერიალური ფასეულობების , სამსახურებრივი მოწმობებისა და დოკუმენტაციის ჩაბარების დამადასტურებელი აქტის ფორმა ( დანართი № 5).“.
2. ბრძანებით დამტკიცებული საქართველოს პროკურატურის შინაგანაწესის მე -11 მუხლის მე -3 პუნქტი ჩამოყალიბდეს შემდეგი რედაქციით :
,,3. პროკურატურის მუშაკი ვალდებულია პროკურატურიდან დათხოვნიდან 5 დღის ვადაში გენერალური პროკურატურის საკადრო უზრუნველყოფის დეპარტამენტში წარადგინოს პროკურატურის კუთვნილი მატერიალური ფასეულობების , სამსახურებრივი მოწმობებისა და დოკუმენტაციის ჩაბარების დამადასტურებელი აქტი ( დანართი № 5) პროკურატურის ორგანოების უფლებამოსილი თანამდებობის პირების ხელმოწერით . აღნიშნული მოთხოვნის შესრულების შემდეგ პროკურატურის მუშაკთან უნდა მოხდეს საბოლოო ანგარიშ - სწორება .“.
3. ბრძანებით დამტკიცებული დანართი № 4- ის შემდეგ დაემატოს შემდეგი შინაარსის დანართი № 5:
გენერალური პროკურორის
მოვალეობის შემსრულებელი გ.ლაცაბიძე