სახელმწიფო სარეგისტრაციო კოდი 230.020.020.22.033.012.120
საქართველოს ფინანსთა მინისტრის
ბრძანება №671
2008 წლის 20 აგვისტო
ქ. თბილისი
„საქონლის ტრანზიტის საბაჟო რეჟიმის გამოყენების წესების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1761 ბრძანებაში ცვლილების შეტანის შესახებ
„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
მუხლი 1
„საქონლის ტრანზიტის საბაჟო რეჟიმის გამოყენების წესების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1761 ბრძანებით დამტკიცებულ (სსმ III, 22.12.2006წ., №172, მუხ. 2327) „საქონლის ტრანზიტის საბაჟო რეჟიმის გამოყენების წესების შესახებ” ინსტრუქციაში შეტანილ იქნეს ცვლილება და ინსტრუქციის მე-15 მუხლი ჩამოყალიბდეს შემდეგი რედაქციით:
„მუხლი 15. ტრანზიტის საბაჟო რეჟიმით გადაადგილებული აქციზური საქონლის მარშრუტი
1. საქართველოს საბაჟო საზღვარზე აქციზური საქონლის გადაადგილება უნდა განხორციელდეს მხოლოდ შემდეგი საბაჟო გამშვები პუნქტების მიმართულებით:
ა) „ყაზბეგი”;
ბ) „წითელი ხიდი”;
გ) „სადახლო”;
დ) „გარდაბანი”;
ე) „სარფი”;
ვ) „ვალე”;
ზ) ფოთისა და ყულევის პორტები;
თ) „ბათუმის პორტი”;
ი) „თბილისის აეროპორტი.“.
2. ამ მუხლის პირველი პუნქტით გათვალისწინებული შეზღუდვა არ ვრცელდება განსაკუთრებული პირობების არსებობისას. განსაკუთრებულ პირობებად ითვლება:
ა) სტიქიური უბედურება (მიწისძვრა, წყალდიდობა, მეწყერი, ზვავი, ხანძარი და სხვა) ან/და მათი შედეგების ლიკვიდაციის მიზნით სატრანსპორტო საშუალების გადაადგილება;
ბ) საგარეო ვაჭრობის შეზღუდვის ან/და საგანგებო/საომარი მდგომარეობის გამოცხადების ან/და მასობრივი არეულობის ან/და გაფიცვისას სატრანსპორტო საშუალების გადაადგილების შეფერხება;
გ) სატრანსპორტო ინფრასტრუქტურის დაზიანება, რომლის შედეგად არანაკლებ ერთი კალენდარული დღით მაინც იზღუდება სატრანსპორტო საშუალების გადაადგილება ამ მუხლის პირველი პუნქტით დადგენილი მარშრუტით.“.
მუხლი 2
ბრძანება ამოქმედდეს გამოქვეყნებისთანავე.
ნ. გილაური