სახელმწიფო სარეგისტრაციო კოდი 200.250.003.22.033.011.904
საქართველოს ფინანსთა მინისტრის
ბრძანება №493
2008 წლის 4 ივნისი
ქ. თბილისი
„სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 28 დეკემბრის №1318 ბრძანებაში ცვლილების შეტანის შესახებ
„ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:
მუხლი 1
„სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 28 დეკემბრის №1318 ბრძანებით (სსმ III, 28.12.2007წ., №186, მუხ.2103) დამტკიცებული ინსტრუქციის მე-12 მუხლის პირველი პუნქტი ჩამოყალიბდეს შემდეგი რედაქციით:
„1. ხაზინის ერთიან ანგარიშზე მიმდინარე წელს გადახდილი თანხის მობრუნება განხორციელდეს ხაზინის ერთიანი ანგარიშის სახაზინო კოდზე – 302009921 – (მიმდინარე წელს გადახდილი თანხის მობრუნება), რომელიც მიზნობრივად გახსნილია ბიუჯეტიდან გაწეული და გამოუყენებელი თანხის განსათავსებლად. მობრუნებისას შესაბამისი თანხით მცირდება საკასო ხარჯი და საგადახდო მოთხოვნა.“.
მუხლი 2
ბრძანება ამოქმედდეს გამოქვეყნებისთანავე.
ნ. გილაური