სახელმწიფო სარეგისტრაციო კოდი 010.240.020.22.027.011.786
საქართველოს იუსტიციის მინისტრის
ბრძანება №128
2008 წლის 24 აპრილი
ქ. თბილისი
საქართველოს იუსტიციის სამინისტროს ემბლემის დამტკიცების შესახებ
„საქართველოს იუსტიციის სამინისტროს დებულების დამტკიცების შესახებ“ საქართველოს მთავრობის 2004 წლის 30 აგვისტოს №70 დადგენილებით დამტკიცებული დებულების მე-2 მუხლის მე-4 პუნქტის, მე-6 მუხლის მე-3 პუნქტის „კ“ ქვეპუნქტისა და საქართველოს ზოგადი ადმინისტრაციული კოდექსის 61-ე მუხლის შესაბამისად, ვბრძანებ:
1. დამტკიცდეს საქართველოს იუსტიციის სამინისტროს ემბლემა თანდართული ნიმუშისა და აღწერილობის შესაბამისად (დანართი №1).
2. ძალადაკარგულად გამოცხადდეს „საქართველოს იუსტიციის სამინისტროს ემბლემის დამტკიცების შესახებ“ საქართველოს იუსტიციის მინისტრის 2005 წლის 16 თებერვლის №298 ბრძანება.
3. ეს ბრძანება ამოქმედდეს გამოქვეყნებისთანავე.
ნ. გვარამია
დანართი №1
საქართველოს იუსტიციის სამინისტროს ემბლემა
საქართველოს იუსტიციის სამინისტროს ემბლემა (ლოგოტიპი) წარმოდგენილია გრაფიკული ნიშნით, რომელზეც ოვალურ ფორმაში გამოსახულია შემდეგი სიმბოლოები: სასწორი – სამართლიანობის სიმბოლო, რომელიც ემყარება წიგნს – კონსტიტუციის, ზოგადად კანონთა კრებულის გამოხატულებას, ხოლო კანონიერებისა და სამართლიანობის გამარჯვების სიმბოლოებად დაფნის წნული და გვირგვინია წარმოდგენილი.
ფერები: ლურჯი, თეთრი, ოქროსფერი.