სახელმწიფო სარეგისტრაციო კოდი 140.010.000.22.033.011.613
საქართველოს ფინანსთა მინისტრის
ბრძანება №242
2008 წლის 12 მარტი
ქ. თბილისი
,,მკაცრი აღრიცხვის ფორმების (დოკუმენტების) განმხილველი კომისიის შექმნის შესახებ“ საქართველოს ფინანსთა მინისტრის 2005 წლის 2 აგვისტოს №670 ბრძანებაში დამატების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
1. ,,მკაცრი აღრიცხვის ფორმების (დოკუმენტების) განმხილველი კომისიის შექმნის შესახებ“ საქართველოს ფინანსთა მინისტრის 2005 წლის 2 აგვისტოს №670 ბრძანებით (სსმ III, 2005 წ., №91, მუხ. 1034) დამტკიცებულ ,,მკაცრი აღრიცხვის ფორმების (დოკუმენტების) განმხილველი კომისიის დებულებაში“ (დანართი №1) შეტანილ იქნეს დამატება და მე-2 მუხლის მე-2 პუნქტს დაემატოს შემდეგი შინაარსის ,,ზ“ ქვეპუნქტი:
,,ზ) გამონაკლისის სახით მისცეს თანხმობა სამართალსუბიექტს რეგისტრირებულ მკაცრი აღრიცხვის ფორმაში ცვლილებების შეტანის შემთხვევაში, ახალი მკაცრი აღრიცხვის ფორმების რეგისტრაციის შემდეგ დაბეჭდილი და გამოუყენებელი მკაცრი აღრიცხვის ძველი ფორმების გამოყენებაზე, მათ სრულ გახარჯვამდე.“.
2. ბრძანება ამოქმედდეს გამოქვეყნებისთანავე.
ნ. გილაური