სახელმწიფო სარეგისტრაციო კოდი 170.040.000.22.027.011.213
საქართველოს იუსტიციის მინისტრის
ბრძანება №389
2007 წლის 13 დეკემბერი
ქ. თბილისი
,,სანოტარო მოქმედებათა შესრულების წესის შესახებ ინსტრუქციის დამტკიცების თაობაზე“ საქართველოს იუსტიციის მინისტრის 2005 წლის 22 დეკემბრის №2359 ბრძანებით დამტკიცებულ ,,სანოტარო მოქმედებათა შესრულების წესის შესახებ ინსტრუქციაში“ დამატების შეტანის თაობაზე
,,საქართველოს ზოგადი ადმინისტრაციული კოდექსის“ 63-ე მუხლისა და ,,ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:
1. საქართველოს იუსტიციის მინისტრის 2005 წლის 22 დეკემბრის №2359 ბრძანებით დამტკიცებული ,,სანოტარო მოქმედებათა შესრულების წესის შესახებ ინსტრუქციაში“ (სსმ III, 27.12.2005 წ., №150, მუხ. 1666) შეტანილი იქნეს შემდეგი დამატება:
მე-14 მუხლს დაემატოს შემდეგი რედაქციის მე-8 პუნქტი:
,,8. ნოტარიუსი უფლებამოსილია მიიღოს საჯარო რეესტრის ეროვნული სააგენტოს მიერ მართვის ერთიანი ავტომატური საშუალებების გამოყენებით გაცემული დოკუმენტი.“.
2. ეს ბრძანება ამოქმედდეს გამოქვეყნებისთანავე.
ე. ტყეშელაშვილი