სახელმწიფო სარეგისტრაციო კოდი 040.030.000.22.022.011.031
საქართველოს განათლებისა და მეცნიერების მინისტრის
ბრძანება №1002
2007 წლის 24 ოქტომბერი
ქ. თბილისი
,,ზუგდიდის პოლიტექნიკური კოლეჯის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2006 წლის 20 თებერვლის №123 ბრძანებაში ცვლილების შეტანის შესახებ
,,ნორმატიული აქტების შესახებ“ საქართველოს კანონის 36-ე მუხლის, საქართველოს ზოგადი ადმინისტრაციული კოდექსის 63-ე მუხლის პირველი ნაწილისა და ,,საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებული დებულების მე-3 მუხლის მე-2 პუნქტის ,,ა“ და ,,მ“ ქვეპუნქტების შესაბამისად, ვბრძანებ:
1. შეტანილ იქნეს ცვლილება ,,ზუგდიდის პოლიტექნიკური კოლეჯის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2006 წლის 20 თებერვლის №123 ბრძანებით (სსმ III, 23.02.2006, №24, მუხ. 286) დამტკიცებული წესდების მე-14 მუხლში და ჩამოყალიბდეს შემდეგი რედაქციით:
„მუხლი 14. გარდამავალი დებულებანი
საჯარო სამართლის იურიდიული პირი – ზუგდიდის პოლიტექნიკური კოლეჯი წარმოადგენს ზუგდიდის უმაღლესი პოლიტექნიკური კოლეჯის უფლებამონაცვლეს.“.
2. ბრძანება ამოქმედდეს გამოქვეყნებისთანავე.
ა. ლომაია