საქართველოს მთავრობის
დადგენილება №15
2008 წლის 1 თებერვალი
ქ. თბილისი
,,საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2005 წლის 31 დეკემბრის №249 დადგენილებაში ცვლილების შეტანის თაობაზე
1. ,,ნორმატიული აქტების შესახებ“ საქართველოს კანონის 36-ე მუხლის შესაბამისად, შეტანილ იქნეს ცვლილება ,,საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2005 წლის 31 დეკემბრის №249 დადგენილებით (სსმ III, 2005 წელი, №154, მუხლი 1714) დამტკიცებულ დებულებაში და მე-4 მუხლის მე-2 პუნქტის ,,ბ“ ქვეპუნქტი ამოღებულ იქნეს.
2. დადგენილება ამოქმედდეს 2008 წლის 1 თებერვლიდან.
პრემიერ-მინისტრი ვ. გურგენიძე