სახელმწიფო სარეგისტრაციო კოდი 300.320.000.16.009.010.156
საქართველოს ენერგეტიკის მარეგულირებელი ეროვნული კომისიის (სემეკ)
დადგენილება №5
2007 წლის 29 მარტი
ქ. თბილისი
„ელექტროენერგიის ტარიფების შესახებ” სემეკის 2006 წლის 15 მაისის №18 დადგენილებაში ცვლილების შეტანის თაობაზე
სს „ბჟუჟჰესის“ 2007 წლის 9 მარტის №2-15/25 წერილიდან გამომდინარე და „ელექტროენერგეტიკისა და ბუნებრივი გაზის შესახებ“ საქართველოს კანონის მე-4 მუხლის მე-5 პუნქტის „ბ“ ქვეპუნქტის, მე-5 მუხლის პირველი პუნქტის, 42-ე მუხლის პირველი პუნქტის, 43-ე და 44-ე მუხლების საფუძველზე, საქართველოს ენერგეტიკის მარეგულირებელმა ეროვნულმა კომისიამ დაადგინა:
მუხლი 1.
„ელექტროენერგიის ტარიფების შესახებ“ სემეკის 2006 წლის 15 მაისის №18 დადგენილების (სსმ III, 2006 წ., №66, მუხ. 848) პირველი მუხლის მე-12 პუნქტში შპს „რუსთავცემენტი“ (ბჟუჟაჰესი) შეიცვალოს სიტყვებით სს „ბჟუჟჰესი“ და პუნქტი ჩამოყალიბდეს შემდეგი რედაქციით:
„12. სს „ბჟუჟჰესი“ ________________________ 4.0 თეთრი/კვტსთ“.
მუხლი 2.
დადგენილება ძალაშია გამოქვეყნებიდან 15 დღის შემდეგ.
თავმჯდომარე გ. თავაძე