სახელმწიფო სარეგისტრაციო კოდი 470.010.000.22.035.010.042
საქართველოს შრომის, ჯანმრთელობისა და სოციალური დაცვის
მინისტრის ბრძანება №69/ნ
2007 წლის 28 თებერვალი
ქ. თბილისი
,,საექიმო სპეციალობათა ნუსხის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2001 წლის 1 ნოემბრის №388/ნ ბრძანებაში ცვლილებების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის შესაბამისად, საექიმო სპეციალობათა ნუსხის სრულყოფის მიზნით, ვბრძანებ:
მუხლი 1. ,,საექიმო სპეციალობათა ნუსხის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2001 წლის 1 ნოემბრის №388/ნ ბრძანების (საქართველოს საკანონმდებლო მაცნე, 2001 წელი, №121, მუხ. 876) პირველი პუნქტით დამტკიცებული დანართიდან (საექიმო სეციალობათა ნუსხა) ამოღებულ იქნეს XXXIV თავის მე-2 მუხლი და XXXIX თავი.
მუხლი 2. ბრძანება ძალაშია გამოქვეყნებისთანავე.
ლ. ჭიპაშვილი