სახელმწიფო სარეგისტრაციო კოდი 220.010.000.18.011.009.930
საქართველოს ეროვნული ბანკის პრეზიდენტის
ბრძანება №24
2007 წლის 31 იანვარი
ქ. თბილისი
„მიკროსაფინანსო ორგანიზაციებისათვის ფინანსური ანგარიშგების ფორმატის და მისი საქართველოს ეროვნული ბანკისათვის წარდგენის ვადის განსაზღვრის შესახებ” საქართველოს ეროვნული ბანკის პრეზიდენტის 2006 წლის 9 ოქტომბრის №278 ბრძანებით დამტკიცებულ ფინანსური ანგარიშგების ფორმატში ცვლილებებისა და დამატების შეტანის თაობაზე
„ნორმატიული აქტების შესახებ” საქართველოს კანონის 36-ე მუხლის შესაბამისად, ვბრძანებ:
1. საქართველოს ეროვნული ბანკის პრეზიდენტის 2006 წლის 9 ოქტომბრის №278 ბრძანებით (სსმ III, 2006 წ., №139, მუხ. 1923) დამტკიცებულ მიკროსაფინანსო ორგანიზაციების მიერ საქართველოს ეროვნული ბანკისათვის წარსადგენი ფინანსური ანგარიშგების ფორმატში შეტანილ იქნეს შემდეგი ცვლილებები და დამატება:
ა) საბალანსო უწყისს კაპიტალის ნაწილში დაემატოს სტრიქონი: 241 „გრანტები და შემოწირულობა კაპიტალში”;
ბ) გაუქმდეს ფორმები: „კაპიტალი”, „დამატებითი ინფორმაცია სესხებზე”, „სესხების კლასიფიკაცია ხელშეკრულებით გათვალისწინებული ვადების, თანხებისა და საპროცენტო განაკვეთების მიხედვით”, “ფასიანი ქაღალდები”, “სხვა აქტივები” და “ბალანსგარეშე ანგარიშები”;
გ) შეიცვალოს ფორმა „მთლიანი სესხები” და ჩამოყალიბდეს თანდართული რედაქციით.
2. ეს ბრძანება ამოქმედდეს გამოქვეყნებისთანავე.
რ. გოცირიძე