სახელმწიფო სარეგისტრაციო კოდი 110.060.000.39.036.009.838
საქართველოს გენერალური პროკურორის
ბრძანება № 3
2007 წლის 23 იანვარი
ქ. თბილისი
,,კახეთის საოლქო პროკურატურის დებულების დამტკიცების შესახებ“ საქართველოს გენერალური პროკურორის 2006 წლის 18 სექტემბრის №18 ბრძანებაში ცვლილების შეტანის თაობაზე
,,პროკურატურის შესახებ“ საქართველოს ორგანული კანონის მე-7 მუხლის მე-6 პუნქტის ,,ო“ ქვეპუნქტისა და ,,ნორმატიული აქტების შესახებ“ საქართველოს კანონის 36-ე მუხლის პირველი პუნქტის შესაბამისად, ვბრძანებ:
1. ,,კახეთის საოლქო პროკურატურის დებულების დამტკიცების შესახებ“ საქართველოს გენერალური პროკურორის 2006 წლის 18 სექტემბრის №18 ბრძანებით (სსმ III, №128, 18.09.2006 წ., მუხ. 1700) დამტკიცებული დებულების მე-4 მუხლის მე-5 პუნქტი ჩამოყალიბდეს შემდეგი რედაქციით:
,,5. საოლქო პროკურორს ჰყავს მოადგილე, რომელსაც თანამდებობაზე ნიშნავს და თანამდებობიდან ათავისუფლებს გენერალური პროკურორი. კახეთის საოლქო პროკურორის მოადგილე იმავდროულად არის საოლქო პროკურატურის საგამოძიებო ნაწილის უფროსი.“.
2. ეს ბრძანება ამოქმედდეს გამოქვეყნებისთანავე.
ზ. ადეიშვილი