საქართველოს რესპუბლიკის მინისტრთა კაბინეტის
დადგენილება №20
1992 წლის 14 იანვარი
ქ. თბილისი
ხიდმშენის №12 ტრესტის რეორგანიზაციის შესახებ
„საქართველოს რესპუბლიკის ტერიტორიაზე განლაგებული საკავშირო და საკავშირო-რესპუბლიკური დაქვემდებარების დაწესებულებებისა და ორგანიზაციების სტატუსის შესახებ“ საქართველოს რესპუბლიკის უზენაესი საბჭოს 1991 წლის 15 სექტემბრის დადგენილების შესაბამისად და ხიდმშენის №12 ტრესტის სამეურნეო დამოუკიდებლობის უზრუნველყოფის მიზნით საქართველოს რესპუბლიკის მინისტრთა კაბინეტი ადგენს:
1. გარდაიქმნას ხიდმშენის №12 ტრესტი 1992 წლის 1 იანვრიდან დამოუკიდებელ სახელმწიფო საწარმოდ - ფირმად „ხიდი“.
2. ხიდმშენის №12 ტრესტმა ერთი თვის ვადაში წარმოუდგინოს საქართველოს რესპუბლიკის მინისტრთა კაბინეტს დასამტკიცებლად დაინტერესებულ ორგანიზაციებთან შეთანხმებული სახელმწიფო საწარმოს - ფირმა „ხიდის“ წესდება.
3. საქართველოს რესპუბლიკის სახელმწიფო ქონების მართვის კომიტეტმა განიხილოს და გადაწყვიტოს სახელმწიფო საწარმო - ფირმა „ხიდის“ სააქციო საზოგადოებად გარდაქმნის საკითხი, მოქმედი კანონმდებლობის შესაბამისად.
საქართველოს რესპუბლიკის პრემიერ-მინისტრის მოვალეობის შემსრულებელი თ. სიგუა
საქართველოს რესპუბლიკის მინისტრთა კაბინეტის სახელმწიფო კანცელარიის მმართველის
მოვალეობის შემსრულებელი გ. ბერიძე