სახელმწიფო სარეგისტრაციო კოდი 120.010.000.22.026.008.951
საქართველოს თავდაცვის მინისტრის
ბრძანება №208
2006 წლის 14 ივლისი
ქ. თბილისი
,,საქართველოს თავდაცვის სამინისტროს საერთაშორისო ურთიერთობებისა და ევროატლანტიკური ინტეგრაციის დეპარტამენტის დებულების დამტკიცების შესახებ” საქართველოს თავდაცვის მინისტრის 2005 წლის 19 ივლისის №226 ბრძანებაში დამატებების შეტანის შესახებ
,,ნორმატიული აქტების შესახებ” საქართველოს კანონის 36-ე მუხლის შესაბამისად, ვბრძანებ:
1. ,,საქართველოს თავდაცვის სამინისტროს საერთაშორისო ურთიერთობებისა და ევროატლანტიკური ინტეგრაციის დეპარტამენტის დებულების დამტკიცების შესახებ” საქართველოს თავდაცვის მინისტრის 2005 წლის 19 ივლისის №226 ბრძანებაში (სსმ III, 2005 წ., №87, მუხ. 995) შეტანილ იქნეს შემდეგი დამატებები:
ა) დებულების მე-6 პუნქტს დაემატოს შემდეგი შინაარსის ,,ტ)” ქვეპუნქტი:
,,ტ)” სხვა სახელმწიფოსთან და საერთაშორისო ორგანიზაციებთან სამხედრო ურთიერთობების განვითარება, საინფორმაციო-ანალიტიკური და საპროტოკოლო საქმიანობა”.
ბ) დებულების მე-12 პუნქტს დაემატოს შემდეგი შინაარსის ,,ა1)” ქვეპუნქტი:
,,ა1)“ საერთაშორისო ურთიერთობების სამმართველოს სტრუქტურული ქვედანაყოფია თავდაცვის წარმომადგენლობების განყოფილება, რომელიც მოქმედი კანონმდებლობის შესაბამისად, კომპეტენციის ფარგლებში, შესაბამისი უფლებამოსილების საფუძველზე, მონაწილეობას იღებს საერთაშორისო ხელშეკრულებებისა და შეთანხმებების ხელმოწერაში, ამყარებს ოფიციალურ ურთიერთობას სხვა სახელმწიფოს თავდაცვის უწყებებთან და საერთაშორისო ორგანიზაციებთან, აგრეთვე ამზადებს საქართველოს თავდაცვის სამინისტროს ოფიციალურ და სამუშაო ვიზიტებს. თავდაცვის წარმომადგენლები საერთაშორისო ორგანიზაციებში და სხვა სახელმწიფოში არსებულ საქართველოს საელჩოებში ქმნიან თავდაცვის სამინისტროს წარმომადგენლობებს.“
2. ბრძანება ძალაშია გამოქვეყნებისთანავე.
3. ბრძანებას გაეცნონ საქართველოს თავდაცვის მინისტრის მოადგილეები, საქართველოს შეიარაღებული ძალების გენერალური შტაბის უფროსი, მისი მოადგილეები და ყველა სტრუქტურული ქვედანაყოფი.
ი. ოქრუაშვილი