სახელმწიფო სარეგისტრაციო კოდი 010.240.030.22.033.008.311
საქართველოს ფინანსთა მინისტრის
ბრძანება №255
2006 წლის 24 მარტი
ქ. თბილისი
,,საქართველოს ფინანსთა სამინისტროს სისტემაში სტაჟირების გავლის წესის დამტკიცების შესახებ“ საქართველოს ფინანსთა მინისტრის 2005 წლის 12 აგვისტოს №761 ბრძანებაში დამატებების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლისა და ,,საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილების მე-4 მუხლის მე3 პუნქტის ,,ლ“ ქვეპუნქტის საფუძველზე, ვბრძანებ:
მუხლი 1. ,,საქართველოს ფინანსთა სამინისტროს სისტემაში სტაჟირების გავლის წესის დამტკიცების შესახებ“ საქართველოს ფინანსთა მინისტრის 2005 წლის 12 აგვისტოს №761 ბრძანებით დამტკიცებულ წესში (სსმ III, 2005წ., №95, მუხ. 1085) შეტანილ იქნეს შემდეგი დამატებები:
1. მე-9 მუხლს დაემატოს შემდეგი შინაარსის 51 პუნქტი:
,,51. სავალდებულო ტრეინინგის დასრულების შემდეგ სასწავლო ცენტრი სტაჟიორს უტარებს ტესტირებას სასწავლო პროგრამის თემატიკის შესაბამისად. ტესტირება ტარდება ამ წესის მე-8 მუხლის დებულებათა გათვალისწინებით. ტესტირების შედეგები ეცნობება დაწესებულების ხელმძღვანელს.“.
2. მე-11 მუხლს დაემატოს შემდეგი შინსარსის 31 პუნქტი:
,,31. სტაჟიორის ანგარიშის პერიოდული განხილვის შედეგები ეცნობება დაწესებულების ხელმძღვანელს.“.
3. მე-16 მუხლს დაემატოს შემდეგი შინაარსის 161 მუხლი:
,,მუხლი 161.
1. მე-16 მუხლის მე-2 პუნქტში მითითებულ თანამდებობის პირებს უფლება აქვთ მიიღონ გადაწყვეტილება სტაჟიორისათვის სტაჟირების გადავადების ან დროებით შეჩერების შესახებ.
2. სტაჟირების გადავადების ან დროებით შეჩერების საფუძველია:
ა) პირადი განცხადება;
ბ) სტაჟიორის საავადმყოფო ფურცელზე ყოფნა;
გ) სტაჟიორის მიმართ სისხლის სამართლის საქმის წარმოება–საბოლოო გადაწყვეტილების მიღებამდე.“.
მუხლი 2. ბრძანება ამოქმედდეს გამოქვეყნებისთანავე.
ა. ალექსიშვილი