საქართველოს ეკონომიკის სამინისტრო
ბრძანება №92
1999 წლის 30 დეკემბერი
ქ. თბილისი
საქართველოს ეკონომიკის სამინისტროს 1998 წლის 9 სექტემბრის №56 ბრძანებაში „იმ საქონლის (პროდუქციის, მომსახურების) ნუსხის ნომენკლატურის) დამტკიცების შესახებ, რომელზეც ვრცელდება ფასების (ტარიფების) სახელმწიფო რეგულირება“ ცვლილების შეტანის შესახებ
საქართველოს პრეზიდენტის 1999 წლის 9 ოქტომბრის №583 ბრძანებულების „ბუნებრივ მონოპოლიათა სახელმწიფოებრივი რეგულირების მექანიზმების შესახებ“ საქართველოს პრეზიდენტის 1998 წლის 22 თებერვლის №95 ბრძანებულებაში ცვლილების შეტანის თაობაზე“ თანახმად, ვბრძანებ:
1. საქართველოს ეკონომიკის სამინისტროს 1998 წლის 9 სექტემბრის №56 ბრძანებაში ,,იმ საქონლის (პროდუქციის, მომსახურების) ნუსხის (ნომენკლატურის) დამტკიცების შესახებ, რომელზეც ვრცელდება ფასების (ტარიფების) სახელმწიფო რეგულირება“ შეტანილ იქნეს შემდეგი ცვლილება:
პირველი პუნქტის „ზ“ ქვეპუნქტი ჩამოყალიბდეს შემდეგი რედაქციით:
„საჰაერო მოძრაობის სადისპეტჩერო მომსახურება მარშრუტზე“.
2. ეს ბრძანება ამოქმედდეს გამოქვეყნებისთანავე.
მინისტრი ვ. პაპავა