სახელმწიფო სარეგისტრაციო კოდი 100.110.000.22.027.007.380
საქართველოს იუსტიციის მინისტრის
ბრძანება №836
2005 წლის 16 მაისი
ქ. თბილისი
,,საქართველოს იუსტიციის სამინისტროს სააღსრულებო დეპარტამენტის დებულების დამტკიცების შესახებ” საქართველოს იუსტიციის მინისტრის 2003 წლის 4 აგვისტოს №834 ბრძანებაში ცვლილებების შეტანის შესახებ
,,სააღსრულებო წარმოებათა შესახებ” საქართველოს კანონის მე-4 მუხლის მე-3 პუნქტის, 141 მუხლის მე-4 პუნქტისა და ,,ნორმატიული აქტების შესახებ” საქართველოს კანონის 36-ე მუხლის შესაბამისად, ვბრძანებ:
მუხლი 1. ,,საქართველოს იუსტიციის სამინისტროს სააღსრულებო დეპარტამენტის დებულების დამტკიცების შესახებ” საქართველოს იუსტიციის მინისტრის 2003 წლის 4 აგვისტოს №834 ბრძანებაში შეტანილ იქნეს შემდეგი ცვლილებები:
1. ბრძანების №1 დანართით დამტკიცებული საქართველოს იუსტიციის სამინისტროს სააღსრულებო დეპარტამენტის დებულების მე-7 მუხლის ,,ბ” ქვეპუნქტი ამოღებულ იქნეს.
2. ბრძანების №2 დანართით დამტკიცებული საქართველოს იუსტიციის სამინისტროს სააღსრულებო დეპარტამენტის სააღსრულებო პოლიციის სამმართველოს დებულების:
ა) მე-3 მუხლის პირველი პუნქტი ჩამოყალიბდეს შემდეგი რედაქციით:
,,1. სამმართველოს მიზანია აღმოუჩინოს დახმარება სასამართლო აღმასრულებელს ,,სააღსრულებო წარმოებათა შესახებ” საქართველოს კანონით გათვალისწინებული აქტების აღსრულებაში, დაიცვას საზოგადოებრივი წესრიგი სააღსრულებო მოქმედების განხორციელებისას, აღკვეთოს სააღსრულებო მოქმედების განხორციელების პროცესში მონაწილე პირთა უკანონო ქმედებები.”;
ბ) მე-5 მუხლის მე-7 პუნქტი ჩამოყალიბდეს შემდეგი რედაქციით:
,,7. ქ. თბილისის განყოფილება შედგება სამი მობილური ჯგუფისაგან, ქ. ქუთაისის განყოფილება – ორი მობილური ჯგუფისაგან, ქ. ბათუმის განყოფილება – ერთი მობილური ჯგუფისაგან.”.
გ) მე-5 მუხლის მე-10 პუნქტი ამოღებულ იქნეს.
დ) მე-7 მუხლის ,,ზ” ქვეპუნქტი ამოღებულ იქნეს.
ე) მე-9 მუხლის პირველი პუნქტის ,,ა” და ,,დ” ქვეპუნქტები ამოღებულ იქნეს.
მუხლი 2. ეს ბრძანება ამოქმედდეს 2005 წლის 4 ივნისიდან.
კ. კემულარია