სახელმწიფო სარეგისტრაციო კოდი 170.030.000.22.027.007.337
საქართველოს იუსტიციის მინისტრის
ბრძანება №692
2005 წლის 25 აპრილი
ქ. თბილისი
საქართველოს ნოტარიუსთა პალატის წესდებაში ცვლილების შეტანის თაობაზე
,,ნოტარიატის შესახებ“ საქართველოს კანონის 37-ე მუხლის მე-2 პუნქტის ,,ა“ ქვეპუნქტის შესაბამისად, ვბრძანებ:
საქართველოს იუსტიციის მინისტრის 2001 წლის 29 აგვისტოს №320 ბრძანებით დამტკიცებულ საქართველოს ნოტარიუსთა პალატის წესდებაში (საქართველოს საკანონმდებლო მაცნე III, 2001 წ., №93) შეტანილ იქნეს შემდეგი ცვლილება:
29-ე მუხლის პირველი პუნქტი ჩამოყალიბდეს შემდეგი რედაქციით:
,,1. სადისციპლინო კომისიას ირჩევს საერთო კრება ხუთი წევრის შემადგენლობით 3 წლის ვადით.“.
საფუძველი: საქართველოს ნოტარიუსთა პალატის წევრთა 2005 წლის 26 მარტის საერთო კრების ოქმი.
კ. კემულარია