სახელმწიფო სარეგისტრაციო კოდი 100.020.020.22.027.007.059
საქართველოს იუსტიციის მინისტრის
ბრძანება №197
2005 წლის 7 თებერვალი
ქ. თბილისი
,,სასჯელაღსრულების დაწესებულებების შესახებ” საქართველოს იუსტიციის მინისტრის 2000 წლის 11 იანვრის №10 ბრძანებაში ცვლილების შეტანის შესახებ
,,პატიმრობის შესახებ” 1999 წლის 22 ივლისის საქართველოს კანონის 85-ე მუხლის შესაბამისად, ვბრძანებ:
1. ,,სასჯელაღსრულების დაწესებულებების შესახებ” საქართველოს იუსტიციის მინისტრის 2000 წლის 11 იანვრის №10 ბრძანების (სსმ III, 2000 წ., №2, მუხ. 23) მეორე მუხლის ,,ე” პუნქტი ჩამოყალიბდეს შემდეგი რედაქციით:
,,ე) ქალთა №5 საერთო და საპყრობილის რეჟიმის დაწესებულება (ქ. თბილისი).”.
2. ქალთა №5 საერთო და საპყრობილის რეჟიმის დაწესებულებაში (ქ. თბილისი) შეიქმნას სპეციალური საპატიმრო განყოფილება.
3. ამ ბრძანების ამოქმედებასთან დაკავშირებით, დაევალოს იუსტიციის სამინისტროს სასჯელაღსრულების დეპარტამენტს (შ. კოპაძე), მოქმედი კანონმდებლობით გათვალისწინებული პირობების შესაბამისად, უმოკლეს ვადაში უზრუნველყოს მსჯავრდებულთა სარეჟიმო პირობების მიხედვით გადანაწილება სასჯელაღსრულების დაწესებულების, მსჯავრდებულთა უსაფრთხოებისა და დაცვის ოპტიმალური ღონისძიებების განხორციელების გზით.
4. ეს ბრძანება ძალაშია გამოქვეყნებისთანავე.
გ. პაპუაშვილი