სახელმწიფო სარეგისტრაციო კოდი 040.150.000.22.027.007.031
საქართველოს იუსტიციის
მინისტრის ბრძანება №132
2005 წლის 21 იანვარი
ქ. თბილისი
,,საჯარო რეესტრის ეროვნული სააგენტოს საკვალიფიკაციო გამოცდის ჩატარების წესისა და პირობების შესახებ” საქართველოს იუსტიციის მინისტრის 2004 წლის 10 სექტემბრის №1101 ბრძანებაში ცვლილების შეტანის შესახებ
საქართველოს ზოგადი ადმინისტრაციული კოდექსის 63-ე მუხლის შესაბამისად:
1. საქართველოს იუსტიციის მინისტრის 2004 წლის 10 სექტემბრის №1101 ბრძანებით დამტკიცებულ ,,საჯარო რეესტრის ეროვნული სააგენტოს საკვალიფიკაციო გამოცდის ჩატარების წესისა და პირობების შესახებ” დებულების (სსმ III, №99, 2004 წ., მუხ. 853) 21-ე მუხლის მე-2 პუნქტი ჩამოყალიბდეს შემდეგი რედაქციით:
,,2. კონკრეტულ ვაკანტურ თანამდებობაზე გასაუბრებაში მონაწილე ყველა კანდიდატს კენჭი ეყრება ცალკ-ცალკე. კომისიას უფლება აქვს კანდიდატს გაუწიოს ზოგადი რეკომენდაცია საჯარო რეესტრის ეროვნული სააგენტოს რომელიმე სტრუქტურულ ქვედანაყოფში ან ტერიტორიულ სარეგისტრაციო სამსახურში მისი დანიშვნის მიზანშეწონილობის შესახებ, ვაკანტური თანამდებობის დაკონკრეტების გარეშე.”.
2. ეს ბრძანება ამოქმედდეს გამოქვეყნებისთანავე.
გ. პაპუაშვილი