საქართველოს ლტოლვილთა და განსახლების სამინისტროს დევნილთა სოციალური საკითხების დეპარტამენტის დებულების დამტკიცების შესახებ

საქართველოს ლტოლვილთა და განსახლების სამინისტროს დევნილთა სოციალური საკითხების დეპარტამენტის დებულების დამტკიცების შესახებ

( ძალადაკარგულია - 23.03.2021, № 01-22/ ნ )

 

საქართველოს ლტოლვილთა და განსახლების მინისტრის

ბრძანება №39

2005 წლის 14 იანვარი

ქ. თბილისი

საქართველოს ლტოლვილთა და განსახლების სამინისტროს დევნილთა სოციალური საკითხების დეპარტამენტის დებულების დამტკიცების შესახებ

,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ� საქართველოს კანონისა და საქართველოს მთავრობის 2004 წლის 29 მაისის №43 დადგენილებით დამტკიცებული საქართველოს ლტოლვილთა და განსახლების სამინისტროს დებულების მე-5 მუხლის მე-2 პუნქტის ,,ნ� ქვეპუნქტის შესაბამისად, ვბრძანებ:

1. დამტკიცდეს საქართველოს ლტოლვილთა და განსახლების სამინისტროს დევნილთა სოციალური საკითხების დეპარტამენტის თანდართული დებულება.

2. ეს ბრძანება ამოქმედდეს გამოქვეყნებისთანავე.

ე. ასტემიროვა

საქართველოს ლტოლვილთა და განსახლების სამინისტროს დევნილთა სოციალური საკითხების დეპარტამენტის დებულება

��� მუხლი 1. ზოგადი დებულებანი

1. საქართველოს ლტოლვილთა და განსახლების სამინისტროს დევნილთა სოციალური საკითხების დეპარტამენტის დებულება (შემდგომში � დებულება) განსაზღვრავს საქართველოს ლტოლვილთა და განსახლების სამინისტროს (შემდგომში � სამინისტრო) დევნილთა სოციალური საკითხების დეპარტამენტის სამართლებრივ სტატუსს, სტრუქტურას, ამოცანებსა და ფუნქციებს. დებულება აწესრიგებს დეპარტამენტის საქმიანობასთან დაკავშირებულ სხვა ურთიერთობებს.

2. სამინისტროს დევნილთა სოციალურ საკითხთა დეპარტამენტი (შემდგომში � დეპარტამენტი) არის სამინისტროს სტრუქტურული ქვედანაყოფი, რომელიც თავის საქმიანობაში ხელმძღვანელობს საქართველოს კონსტიტუციით, ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ�, ,,საჯარო სამსახურის შესახებ�, ,,იძულებით გადაადგილებულ პირთა � დევნილთა შესახებ� საქართველოს კანონებით, სამინისტროს დებულებით, ამ დებულებითა და საქართველოს სხვა ნორმატიული აქტებით.

3. დეპარტამენტი ანგარიშვალდებულია საქართველოს ლტოლვილთა და განსახლების მინისტრისა (შემდგომში � მინისტრი) და კურატორი მინისტრის მოადგილის წინაშე.

4. ამ დებულებაში ცვლილებებისა და დამატებების შეტანა ხდება მინისტრის ბრძანებით.

��� მუხლი 2. დეპარტამენტის ფუნქციები და ამოცანები

დეპარტამენტის ფუნქციები და ამოცანებია:

ა) თავისი კომპეტენციის ფარგლებში დევნილი მოსახლეობის მიღება, გადაუდებელი დახმარების გაწევისა და დროებითი განსახლების ორგანიზება;

ბ) დევნილთა დასაქმების, ადაპტაციის, სოციალური დაცვის ხელშემწყობი პირობების შექმნა და შესაბამისი პროგრამებისა და ნორმატიული აქტების პროექტების მომზადება;

გ) დევნილთა დაბრუნების ორგანიზებისა და რეაბილიტაცია-ადაპტაციის პროცესის ხელშეწყობა;

დ) დევნილთა რეაბილიტაცია-ადაპტაციის სფეროში სახელმწიფო და სხვა პროგრამებისა და მიმდინარე სამუშაოთა შესრულების ხარისხის კონტროლი და ანალიზი თავისი კომპეტენციის ფარგლებში.

��� მუხლი 3. დეპარტამენტის უფლებამოსილებები და პასუხისმგებლობა

1. დეპარტამენტი თავისი ამოცანების შესრულებისას უფლებამოსილია:

ა) შეიმუშაოს დეპარტამენტის საქმიანობის გეგმები და მათი შესრულებისათვის სამინისტროს სტრუქტურული ქვედანაყოფებიდან და ტერიტორიული ორგანოებიდან მოითხოვოს საჭირო ინფორმაცია და დოკუმენტაცია;

ბ) შეიმუშაოს წინადადებები სამინისტროს საშტატო რაოდენობისა და საშტატო განაკვეთების განსაზღვრასთან დაკავშირებით;

გ) განსაზღვროს და დაგეგმოს სამინისტროს ფუნქციონირებისთვის საჭირო სახელმწიფო შესყიდვები;

დ) თავისი კომპეტენციის ფარგლებში შეიმუშაოს ნორმატიული აქტების პროექტები;

ე) განიხილოს მოქალაქეთა განცხადებები, საჩივრები და წერილები კომპეტენციის ფარგლებში;

ვ) მიიღოს მონაწილეობა კონფერენციებსა და სემინარებში.

2. დეპარტამენტი პასუხისმგებელია მისი ამოცანებისა და მასზე დაკისრებული ფუნქციების შესრულებაზე.

��� მუხლი 4. დეპარტამენტის ხელმძღვანელობა

1. დეპარტამენტს ხელმძღვანელობს უფროსი, რომელსაც თანამდებობაზე ნიშნავს და თანამდებობიდან ათავისუფლებს მინისტრი.

2. დეპარტამენტის უფროსი:

ა) ხელმძღვანელობს და წარმართავს დეპარტამენტის საქმიანობას;

ბ) ანაწილებს მოვალეობებს დეპარტამენტის საჯარო მოსამსახურეებს შორის, აძლევს მათ მითითებებს და დავალებებს;

გ) თვალყურს ადევნებს დეპარტამენტის თანამშრომელთა მიერ სამსახურებრივი მოვალეობების შესრულებას;

დ) ხელს აწერს და/ან ვიზას ადებს დეპარტამენტში მომზადებულ დოკუმენტებს;

ე) ანგარიშვალდებულია მინისტრისა და კურატორი მინისტრის მოადგილის წინაშე;

ვ) წარმოადგენს დეპარტამენტს საკუთარი მოვალეობების შესრულებისას და დეპარტამენტის სახელით წარუდგენს მინისტრს შესაბამის დასკვნებსა და წინადადებებს;

ზ) სამინისტროს ხელმძღვანელობას წარუდგენს წინადადებებს დეპარტამენტის სტრუქტურის, შტატების, მუშაობის ორგანიზაციის, დეპარტამენტის საჯარო მოსამსახურეების წახალისების ან მათზე დისციპლინური პასუხისმგებლობის დაკისრების შესახებ;

თ) შუამდგომლობს დეპარტამენტის მოსამსახურეთა კვალიფიკაციის ამაღლების შესახებ;

ი) ასრულებს ამ დებულებითა და მინისტრის მიერ განსაზღვრულ სხვა დავალებებს.

3. დეპარტამენტის უფროსის არყოფნის შემთხვევაში მის მოვალეობას ასრულებს განსახლებისა და სოციალური საკითხების სამმართველოს უფროსი.

��� მუხლი 5. დეპარტამენტის სტრუქტურა

1. დეპარტამენტი იყოფა სამმართველოებად, რომლებსაც ხელმძღვანელობენ სამმართველოს უფროსები.

2. სამმართველოს უფროსს თანამდებობაზე ნიშნავს და თანამდებობიდან ათავისუფლებს მინისტრი.

3. დეპარტამენტის სამმართველოებია:

ა) განსახლებისა და სოციალურ საკითხთა სამმართველო;

ბ) რეაბილიტაციის სამმართველო.

��� მუხლი 6. განსახლებისა და სოციალურ საკითხთა სამმართველო

განსახლებისა და სოციალურ საკითხთა სამმართველოს ფუნქციები და ამოცანებია:

ა) დევნილი მოსახლეობის მიღება, თავშესაფრის გარეშე დარჩენილ დევნილთა აღრიცხვიანობის მოწესრიგება და დროებითი განსახლების ორგანიზება;

ბ) დევნილთა დასაქმების, ადაპტაციის, სოციალური დაცვის ხელშემწყობი პირობების შექმნა და შესაბამისი პროგრამებისა და ნორმატიული აქტების პროექტების მომზადება;

გ) დევნილთა ორგანიზებულად ჩასახლების ობიექტებში გამოყოფილი ფართების ათვისების მდგომარეობის, საყოფაცხოვრებო პირობების შესწავლა და შესაბამისი წინადადებების მომზადება;

დ) განსაკუთრებით უმწეო მდგომარეობაში მყოფ დევნილთათვის ერთჯერადი ფულადი დახმარების საკითხების განხილვა და შესაბამისი რეკომენდაციების წარდგენა;

ე) შესაბამის სახელმწიფო დაწესებულებებთან თანამშრომლობა მატერიალურად უმწეო კატეგორიის დევნილთათვის სადაზღვევო პოლისების გაცემის ორგანიზების მიზნით;

ვ) დევნილთა მიერ საცხოვრებლად ობიექტების თვითნებურად დაკავების ფაქტების შესწავლა და შესაბამისი წინადადებების მომზადება.

��� მუხლი 7. რეაბილიტაციის სამმართველო

რეაბილიტაციის სამმართველოს ფუნქციები და ამოცანებია:

ა) კომპეტენციის ფარგლებში დევნილთა რეაბილიტაცია-ადაპტაციის სფეროში სახელმწიფო და სხვა პროგრამების შესრულების კონტროლი და ანალიზი;

ბ) დევნილთა ორგანიზებულად განსახლების ობიექტების ტექნიკური მდგომარეობის შესწავლა-ინვენტარიზაცია;

გ) დევნილთა ორგანიზებულად განსახლების ადგილებში სარეაბილიტაციო ობიექტების შერჩევა;

დ) კომპეტენციის ფარგლებში სარეაბილიტაციო ობიექტებში საბიუჯეტო სახსრებით მიმდინარე სამუშაოთა შესრულების ხარისხის კონტროლი და ანალიზი;

ე) საერთაშორისო ორგანიზაციებთან თანამშრომლობა დევნილთა ორგანიზებულად ჩასახლების სარეაბილიტაციო ობიექტთა შერჩევის კუთხით; სარეაბილიტაციო სამუშაოების მიმდინარეობის ერთობლივი მონიტორინგის ორგანიზება;

ვ) დევნილთა დაბრუნების ორგანიზების ხელშეწყობა; დაბრუნების რეგიონებში რეაბილიტაციის პროგრამების შემუშავება და მიმდინარეობის კონტროლი.

��� მუხლი 8 დეპარტამენტის საჯარო მოსამსახურეები

1. დეპარტამენტის საჯარო მოსამსახურეებს თანამდებობაზე ნიშნავს და თანამდებობიდან ათავისუფლებს მინისტრი.

2. დეპარტამენტის საჯარო მოსამსახურეთა ფუნქციები განისაზღვრება მინისტრის მიერ დამტკიცებული თანამდებობრივი ინსტრუქციებით.