სახელმწიფო სარეგისტრაციო კოდი 220.090.000.141.224.006.669
საქართველოს ფინანსური მონიტორინგის სამსახურის უფროსის
ბრძანება №118
2004 წლის 9 სექტემბერი
ქ. თბილისი
„არაკოოპერირებადი (არამოთანამშრომლე) ზონების შესახებ“ საქართველოს ფინანსური მონიტორინგის სამსახურის უფროსის 2004 წლის 28 აპრილის №65 ბრძანებაში ცვლილებების შეტანის თაობაზე“
„უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონის მე-2 მუხლის „ე“ ქვეპუნქტის შესაბამისად, ვბრძანებ:
1. საქართველოს ფინანსური მონიტორინგის სამსახურის უფროსის 2004 წლის 28 აპრილის №65 ბრძანების „არაკოოპერირებადი (არამოთანამშრომლე) ზონების შესახებ“ (საქართველოს საკანონმდებლო მაცნე, 05.05.2004წ., №47, მუხ.403) პირველი პუნქტი ჩამოყალიბდეს შემდეგი რედაქციით:
„1. „ფინანსური ქმედების სპეციალური ჯგუფის“ (FATF) ინფორმაციაზე დაყრდნობით „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონის მიზნებისათვის ჩამოთვლილი ქვეყნები აღიარებულ იქნეს არაკოოპერირებად (არამოთანამშრომლე) ზონად:
ა) კუკის კუნძულები;
ბ) ნიგერია;
გ) ინდონეზია;
დ) მიანმარი (ბირმა);
ე) ნაურუ;
ვ) ფილიპინები;“.
2. ეს ბრძანება ამოქმედდეს გამოქვეყნებისთანავე.
ნ. გეგუჩაძე