სახელმწიფო სარეგისტრაციო კოდი 170.030.000.11.106.006.338
საქართველოს იუსტიციის მინისტრის
ბრძანება №135
2004 წლის 11 თებერვალი
ქ. თბილისი
საქართველოს ნოტარიუსთა პალატის წესდების მე-17 მუხლის პირველი და მე-2 პუნქტების ძალადაკარგულად გამოცხადების თაობაზე
,,ნოტარიატის შესახებ” საქართველოს კანონის მე-11 მუხლის პირველი პუნქტის ,,გ” ქვეპუნქტის, “საჯარო სამართლის იურიდიული პირის შესახებ” საქართველოს კანონის მე-11 მუხლის, საქართველოს ზოგადი ადმინისტრაციული კოდექსის მე-60 და 61-ე მუხლების შესაბამისად, ვბრძანებ:
1. ძალადაკარგულად გამოცხადდეს ,,საქართველოს ნოტარიუსთა პალატის წესდებაში ცვლილებებისა და დამატებების შეტანის თაობაზე” საქართველოს იუსტიციის მინისტრის 2003 წლის 17 იანვრის №9 ბრძანების საფუძველზე ჩამოყალიბებული, საქართველოს იუსტიციის მინისტრის 2001 წლის 29 აგვისტოს №320 ბრძანებით დამტკიცებული საქართველოს ნოტარიუსთა პალატის წესდების (საქართველოს საკანონმდებლო მაცნე III, 4.09.2001წ., მუხ. 673) მე-17 მუხლის პირველი და მე-2 პუნქტები.
2. მიეცეს წინადადება საქართველოს ნოტარიუსთა პალატის გამგეობას საქართველოს ნოტარიუსთა პალატის წევრთა უახლოესი კრებისათვის დღის წესრიგში შეიტანოს საქართველოს ნოტარიუსთა პალატის წესდებაში ცვლილებებისა და დამატებების შეტანის საკითხი.
3. ეს ბრძანება ამოქმედდეს გამოქვეყნებისთანავე.
ზ. ადეიშვილი