სახელმწიფო სარეგისტრაციო კოდი 470.010.000.11.119.006.301
საქართველოს შრომის, ჯანმრთელობისა და სოციალური დაცვის
მინისტრის ბრძანება №7/ნ
2004 წლის 13 იანვარი
ქ. თბილისი
„საწარმოო ტრანსფუზიოლოგიის დაწესებულებებისადმი წაყენებული სანიტარიულ-ჰიგიენური და ეპიდემიოლოგიური მოთხოვნების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს №299/ნ ბრძანებაში ცვლილების შეტანის თაობაზე
„ჯანმრთელობის დაცვის შესახებ“ საქართველოს კანონის 70-ე, 126-ე, 127-ე მუხლების, „სისხლისა და მისი კომპონენტების დონორობის შესახებ“ საქართველოს კანონისა და „ნორმატიული აქტების შესახებ“ საქართველოს კანონის 36-ე მუხლის შესაბამისად, დონაციის, სისხლისა და სისხლის კომპონენტების დამზადების, შენახვისა და გამოყენების, აგრეთვე, ტრანსფუზიოლოგიური სამსახურის ფუნქციონირების ხარისხობრივი სრულყოფის მიზნით, ვბრძანებ:
1. „საწარმოო ტრანსფუზიოლოგიის დაწესებულებებისადმი წაყენებული სანიტარიულ-ჰიგიენური და ეპიდემიოლოგიური მოთხოვნების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს №299/ნ ბრძანების (სსმ, 2001წ., N90, მუხ. 652) პირველი პუნქტით დამტკიცებული სანიტარიულ-ჰიგიენური და ეპიდემიოლოგიური წესების „თავი XIX. ბიბლიოგრაფია“ ჩამოყალიბდეს შემდეგი რედაქციით:
„თავი XX. გარდამავალი დებულებები.
სისხლისა და სისხლის კომპონენტების დამზადება მინის ბოთლებში დაიშვება მხოლოდ 2004 წლის 1 თებერვლამდე.“
2. ბრძანება ამოქმედდეს გამოქვეყნებისთანავე.
ა. გამყრელიძე