სახელმწიფო სარეგისტრაციო კოდი 040.030.000.11.106.006.223
საქართველოს იუსტიციის მინისტრის
ბრძანება №1319
2003 წლის 4 სექტემბერი
ქ. თბილისი
საქართველოს იუსტიციის მინისტრის 2001 წლის 1 აგვისტოს №289 ბრძანებით დამტკიცებულ “საქართველოს იუსტიციის სამინისტროს ექსპერტიზისა და სპეციალურ გამოკვლევათა ცენტრის დებულებაში” ცვლილებებისა და დამატებების შეტანის თაობაზე
“ნორმატიული აქტების შესახებ” საქართველოს კანონის 36-ე მუხლის მოთხოვნათა შესაბამისად, ვბრძანებ:
მუხლი 1. საქართველოს იუსტიციის მინისტრის 2001 წის 1 აგვისტოს №289 ბრძანებით (სსმ III, 2001წ., №81, მუხლი 589) დამტკიცებულ “საქართველოს იუსტიციის სამინისტროს ექსპერტიზისა და სპეციალურ გამოკვლევათა ცენტრის დებულებაში” შეტანილ იქნეს შემდეგი სახის ცვლილებები და დამატებები:
1. მე-3 მუხლის მე-2 პუნქტის “თ” ქვეპუნქტი ჩამოყალიბდეს შემდეგი რედაქციით:
“თ) “საფინანსო-სამეურნეო სამსახური”;
2. მე-3 მუხლის მე-2 პუნქტიდან ამოღებულ იქნეს “ი” ქვეპუნქტი;
3. მე-4 მუხლის მე-2 პუნქტი ჩამოყალიბდეს შემდეგი რედაქციით:
“2. საექსპერტო-ბიოლოგიური სამსახურის კომპეტენციაა:
ა) ბიოლოგიური ექსპერტიზა (გამოკვლევა);
ბ) ჰისტოლოგიური ექსპერტიზა (გამოკვლევა);
გ) მიკრობიოლოგიური ექსპერტიზა (გამოკვლევა);
დ) ციტოლოგიური ექსპერტიზა (გამოკვლევა);
ე) ეკოლოგიური ექსპერტიზა (გამოკვლევა);
ვ) ზოოლოგიური ექსპერტიზა (გამოკვლევა);
ზ) ბოტანიკური ექსპერტიზა (გამოკვლევა).
4. მე-4 მუხლის მე-3 პუნქტი ჩამოყალიბდეს შემდეგი რედაქციით:
“3. საექსპერტო-ქიმიური სამსახურის კომპეტენციაა:
ა) შუშის ექსპერტიზა (გამოკვლვეა);
ბ) ლითონების, შენადნობების ექსპერტიზა და მათი ნაწარმის გამოკვლევა;
გ) საწვავ-საპოხი მასალების ექსპერტიზა (გამოკვლევა);
დ) დაუდგენელი ობიექტებისა და ნივთიერების ექსპერტიზა (გამოკვლევა);
ე) ნიადაგის ექსპერტიზა (გამოკვლევა);
ვ) სპირტშემცვლელი ნივთიერებების ექსპერტიზა (გამოკვლევა);
ზ) უალკოჰოლო სასმელების ექსპერტიზა (გამოკვლევა);
თ) კვების პროდუქტების ექსპერტიზა (გამოკვლევა);
ი) ლაქსაღებავებისა და მათი საფარების ექსპერტიზა (გამოკვლევა);
კ) ბოჭკოვანი ობიექტების და მათი ნაწარმის ექსპერტიზა (გამოკვლევა);
ლ) პოლიმერული ობიექტებისა და მათი ნაწარმის ექსპერტიზა (გამოკვლევა);
მ) საყოფაცხოვრებო ქიმიის ობიექტების ექსპერტიზა (გამოკვლევა);
ნ) ქიმიურ-ტოქსიკოლოგიური ექსპერტიზა - (სხვადასხვა ობიექტში – ნიადაგში, წყალში, ჰაერში, მცენარეში, ფარმპრეპარატეში, სამრეწველო, საყოფაცხოვრებო და კუსტარული წესით დამზადებულ საშუალებებში, სისხლში, შარდში და სხვა ბიომასალაში მომწამლავი, ფსიქოტროპული და ნარკოტიკული ნივთიერებების ექსპერტიზა, გამოკვლევა);
ო) სახანძრო ექსპერტიზა;
პ) ფეთქებადი ნივთიერებების ექსპერტიზა (გამოკვლევა);
5. მე-4 მუხლს დაემატოს შემდეგი შინაარსის მე-8 პუნქტი:
“8. საფინანსო-სამეურნეო სამსახურის კომპეტენციაა:
ა) ცენტრის ეკონომიკური, ფინანსური და სამეურნეო საქმიანობის კოორდინაცია და მართვა;
ბ) ცენტრის ბიუჯეტის შემუშავება, განაწილება და ოპერატიული მართვა;
გ) ფინანსური და მატერიალური აქტივებისა და პასივების აღრიცხვა-ანგარიშგების წარმოება და კონტროლი, კვარტალური და წლიური ანგარიშგების ანალიზი და განხილვა;
დ) საფინანსო-სამეურნეო და საბუღალტრო საქმიანობის წარმართვა თანამედროვე მოთხოვნათა დონეზე;
ე) ცენტრის ბიუჯეტის ხარჯვითი ნაწილის შესრულება, კვარტალური და წლიური საფინანსო და სტატისტიკური ანგარიშგების შედგენა და მათი დროულად წარდგენა ფინანსთა სამინისტროში;
ვ) ყოველკვარტალურად ცენტრის ხელმძღვანელობის წინაშე საფინანსო-სამეურნეო საქმიანობის დეტალური ანალიზის წარდგენა არსებული ნაკლოვანებების აღმოფხვრისათვის შესაბამისი წინადადებების დაყენებით;
ზ) ძირითადი საშუალებების, ფულადი სახსრების და სასაქონლო მატერიალური ფასეულობების, ინვენტარიზაციის ჩატარების ორგანიზება კანონმდებლობით დადგენილ ვადებში;
თ) ცენტრის ბიუჯეტის პროექტის შემუშავება სამინისტროს მოთხოვნის საფუძველზე, ბიუჯეტისა და სპეციალური სახსრების შემოსავლების და ხარჯთა ნუსხის საპროგნოზო მაჩვენებლების წარმოდგენა დადგენილი ვადების შესაბამისად;
ი) აღრიცხვა-ანგარიშგების ორგანიზება, მისი სრულყოფა, ცენტრის ანგარიშებზე (საბიუჯეტი, სპეცსახსრები) თანხების მოძრაობაზე კონტროლი;
კ) საბუღალტრო აღრიცხვის წარმართვა და ხარჯთა ნუსხის შედგენა.
6. ამოღებულ იქნეს მე-7 მუხლი.
მუხლი 2. ეს ბრძანება ძალაშია გამოქვეყნებისთანავე.
მინისტრის მოვალეობის შემსრულებელი გ. წკრიალაშვილი