სახელმწიფო სარეგისტრაციო კოდი 010.240.000.11.106.006.219
საქართველოს იუსტიციის მინისტრის
ბრძანება №1303
2003 წლის 5 დეკემბერი
ქ. თბილისი
საქართველოს იუსტიციის მინისტრის 2000 წლის 19 აპრილის №50 ბრძანებაში ცვლილების შეტანის შესახებ
“აღმასრულებელი ხელისუფლების სტრუქტურისა და საქმიანობის წესის შესახებ” და “საჯარო სამართლის იურიდიული პირების შესახებ” საქართველოს კანონების მოთხოვნათა შესაბამისად, ვბრძანებ:
1. საქართველოს იუსტიციის მინისტრის 2000 წლის 19 აპრილის №50 ბრძანებით (სსმ №39, მუხ. 368, 2000წ.) დამტკიცებულ საქართველოს იუსტიციის სასწავლო ცენტრის წესდების მე-13 მუხლი ჩამოყალიბდეს შემდეგი რედაქციით:
“მუხლი 13
ცენტრის დირექტორს ჰყავს პირველი მოადგილე და ორი მოადგილე, რომლებსაც თანამდებობაზე ნიშნავს და თანამდებობიდან ათავისუფლებს იუსტიციის მინისტრი. ცენტრის დირექტორის პირველი მოადგილე დირექტორის არყოფნის შემთხვევაში ასრულებს მის მოვალეობას”.
2. ეს ბრძანება ძალაშია გამოქვეყნებისთანავე.
მინნისტრის მოვალეობის შემსრულებელი გ. წკრიალაშვილი