სახელმწიფო სარეგისტრაციო კოდი 300.290.000.14.011.006.205
საქართველოს ენერგეტიკის მარეგულირებელი ეროვნული კომისიის (სემეკ)
დადგენილება №24
2003 წლის 27 ნოემბერი
ქ. თბილისი
სემეკ-ის 1999 წლის 23 აგვისტოს №3 დადგენილებაში ცვლილების შეტანის შესახებ
„ელექტროენერგეტიკისა და ბუნებრივი გაზის შესახებ” საქართველოს კანონის მე-5 მუხლის პირველი პუნქტისა და „სამეწარმეო საქმიანობის ლიცენზიისა და ნებართვის გაცემის საფუძვლების შესახებ” საქართველოს კანონის მე-8 მუხლის საფუძველზე, სემეკ-მა დაადგინა:
მუხლი 1
„ლიცენზირების წესები ელექტროენერგეტიკისა და ბუნებრივი გაზის სექტორში დამტკიცების შესახებ” სემეკ-ის 1999 წლის 23 აგვისტოს №3 დადგენილებას (სსმ III, 1999 წლის 31 აგვისტო, №41 (48), მუხ. 737) დაემატოს შემდეგი შინაარსის 11 პუნქტი:
„11. დამტკიცდეს ელექტროენერგეტიკისა და ბუნებრივი გაზის სექტორში სალიცენზიო მოწმობის ფორმა”.
მუხლი 2
დადგენილება ძალაშია გამოქვეყნების დღიდან.
თავმჯდომარე დ. მირცხულავა