სახელმწიფო სარეგისტრაციო კოდი 010.220.020.13.007.006.123
საქართველოს ცენტრალური საარჩევნო კომისიის
დადგენილება №26/2003
2003 წლის 7 ოქტომბერი
ქ. თბილისი
2003 წლის 2 ნოემბერს საარჩევნო უბნებში კენჭისყრის დაწყების ვადის განსაზღვრის თაობაზე
საქართველოს ორგანული კანონის „საქართველოს საარჩევნო კოდექსის” 52-ე მუხლის I პუნქტის თანახმად საარჩევნო უბანი კენჭისყრის დღეს იხსნება 7 საათზე, ხოლო კენჭისყრა იწყება 8 საათზე.
საქართველოს ორგანული კანონის „რეფერენდუმის შესახებ” 23-ე მუხლის I პუნქტის თანახმად კენჭისყრა წარმოებს 700 საათიდან.
2003 წლის 2 ნოემბერს, ერთდროულად ტარდება რა საპარლამენტო არჩევნები და რეფერენდუმი, მათი ორგანიზებულად ჩატარების მიზნით, საქართველოს ორგანული კანონის „საქართველოს საარჩევნო კოდექსის” 29-ე მუხლის I პუნქტის „ა” ქვეპუნქტისა და მე-3 პუნქტის შესაბამისად, საქართველოს ცენტრალური საარჩევნო კომისია ადგენს:
მუხლი I. 2003 წლის 2 ნოემბერს კენჭისყრა როგორც საპარლამენტო არჩევნების, ისე რეფერენდუმთან დაკავშირებით, წარიმართოს 800 საათიდან 2000 საათამდე.
მუხლი II. ეს დადგენილება შეიძლება გასაჩივრდეს თბილისის საოლქო სასამართლოში (თბილისი, გრ. რობაქიძის 7ა) 3 კალენდარული დღის ვადაში.
მუხლი III. ეს დადგენილება ძალაში შედის გამოქვეყნებისთანავე.
კომისიის თავმჯდომარე ნ. დევდარიანი
კომისიის მდივანი გ. მიქანაძე