იმ საექიმო სპეციალობათა ნუსხის განსაზღვრის შესახებ, რომლებშიც ეკრძალება მუშაობა ამა თუ იმ დაავადების მქონე დამოუკიდებელი საექიმო საქმიანობის სუბიექტს

სახელმწიფო სარეგისტრაციო კოდი 470.230.000.11.119.005.577

საქართველოს შრომის, ჯანმრთელობისადა სოციალური დაცვის მინისტრის ბრძანება № 331/ნ

2002 წლის 22 ნოემბერი

ქ. თბილისი

საქართველოს შრომის, ჯანმრთელობისა და სოციალური დაცვის მინისტრის 2007 წლის 17 დეკემბრის ბრძანება №352/ნ-სსმIII, №179, 18.12.2007წ.; მუხ. 1975

„საექიმო საქმიანობის შესახებ“ საქართველოს კანონის მე-4 მუხლის „გ“ ქვეპუნქტის შესაბამისად, ვბრძანებ:

1. დამტკიცდეს:

ა) იმ საექიმო სპეციალობათა ნუსხა, რომლებშიც ეკრძალება მუშაობა ამა თუ იმ დაავადების მქონე დამოუკიდებელი საექიმო საქმიანობის სუბიექტს (დანართი № 1);

ბ) ამოღებულია .

1¹. სახელმწიფო სერტიფიკატის მაძიებლის ჯანმრთელობის მდგომარეობის შესახებ სამედიცინო ცნობა გაიცეს საქართველოს შრომის, ჯანმრთელობისა და სოციალური დაცვის მინისტრის 2007 წლის 9 აგვისტოს № 338/ნ ბრძანების პირველი პუნქტის „ბ“ ქვეპუნქტით განსაზღვრული სამედიცინო დოკუმენტაციის ფორმის № IV-100/ა შესაბამისად.

2. ბრძანება ამოქმედდეს გამოქვეყნებისთანავე.

ა.გამყრელიძე

შეტანილი ცვლილებები:

1. საქართველოს შრომის, ჯანმრთელობისა და სოციალური დაცვის მინისტრის 2007 წლის 17 დეკემბრის ბრძანება №352/ნ-სსმ III, №179, 18.12.2007წ.; მუხ. 1975

დანართი № 1

საექიმო სპეციალობათა ნუსხა, რომლებშიც ეკრძალება მუშაობა ამა თუ იმ დაავადების მქონე დამოუკიდებელი საექიმო საქმიანობის სუბიექტს

მუხლი 1

დანართში № 1ა ჩამოთვლილი დაავადებების მქონე პირებს ეკრძალებათ მუშაობა ყველა საექიმო სპეციალობაში, რომელშიც დამტკიცებულია საქართველოს შრომის, ჯანმრთელობისა და სოიალური დაცვის მინიტრის 2007 წლის 18 აპრილის № 136/ნ ბრძანებით „საექიმო სპეციალობათა, მომიჯნავე საექიმო სპეციალობათა და სუბსპეციალობების შესაბამისი სპეციალობების ნუსხის განსაზღვრის შესახებ“ დამტკიცებული დანართი № 1-ის შესაბამისად.

მუხლი 2 ამოღებულია

მუხლი 3 ამოღებულია

დანართი № 1ა

1. ტუბერკულოზი

ა. რესპირატორული სისტემის აქტიური ტუბერკულოზი მკურნალობის დამთავრებამდე, ნახველის ბაქტერიოლოგიური კონვერსიის დადასტურების შემდეგ;

ბ. რესპირატორული სისტემის ტუბერკულოზის ქრონიკული ფორმები, მულტირეზისტენტული შტამების გამოყოფით;

გ. სასუნთქი სისტემის ტუბერკულოზის გადატანის შემდგომი დიდი (მყარი) ნარჩენი ცვლილებებით განპირობებული ქრონიკული ფილტვისმიერი გული (დეკომპენსირებული);

დ. სასუნთქი სისტემის ტუბერკულოზის ქრონიკული დესტრუქციული ფორმები (ფიბროზულ-კავერნოზული, ციროტული ტუბერკულოზი) ბაქტერიაგამოყოფით ან ბაქტერიაგამოყოფის გარეშე.

2. ქირურგიული დაავადებები

ა. სამი კიდურის ამპუტაცია;

ბ. ორი ზემო კიდურის ამპუტაცია.

3.ნერვულ-ფსიქიკური დაავადებები

ა. დემენცია ალცჰაიმერის დაავადების დროს;

ბ. ნებისმიერი გენეზის მყარი ჰალუცინაციურ-ბოდვითი სინდრომი;

გ. ნებისმიერი გენეზის მყარი ბოდვითი სინდრომი;

დ. ნებისმიერი გენეზის მყარი კატატონიური სინდრომი;

ე. სისხლძარღვოვანი (ვასკულარული) და სხვა სახის დემენციები;

ვ. დაუზუსტებელი დემენცია;

ზ. ორგანული ამნეზიური სინდრომი;

თ. ოლიგოფრენია;

ი. ნებისმიერი გენეზის მყარი ჰალუცინაციური სინდრომი;

კ. ნებისმიერი გენეზის მყარი ღრმა მანიაკალური სინდრომი;

ლ. ნებისმიერი გენეზის მყარი ღრმა დეპრესიული სინდრომი;

მ. მყარი შიზო-აფექტური აშლილობა;

ნ. მყარი ქრონიკული ადაპტაციის დარღვევა;

ო. ეპილეფსია:

ო.ა. გულყრები, ინტელექტუალური და ხასიათობრივი ცვლილებებით;

ო.ბ. ხშირი გულყრები (8-10 და მეტი თვეში);

პ. ცენტრალური ნერვული სისტემის ორგანული დაავადებები:

პ.ა. მძიმე ფორმები ფსიქიკური ცვლილებებით, მნიშვნელოვანი მოტორული დარღვევებით და პროგრესირებადი მიმდინარეობით;

პ.ბ. ორგანული დაზიანებების მყარი ნარჩენი მოვლენები მნიშვნელოვანი მოტორული დარღვევებით (ჰემიპლეგია, დიპლეგია და სხვა);

პ.გ. პარკინსონიზმის შორსწასული შემთხვევები (ფსიქიკის და ლოკომოციის მოშლით);

ჟ. პერიფერიული ნერვული სისტემის ქრონიკული დაავადებები მოძრაობის, მგრძნობელობის და ტროფიკის ღრმა და მყარი დარღვევებით;

რ. მყარი ლოკალური ან გენერალიზებული კრუნჩხვითი (ჰიპერკინეზიები) მოშლილობები (ჰეპატო-ლენტიკულური დეგერენაცია, ჰანტინგტონის ქორეა, მიოკლონიები და სხვა);

ს. ქრონიკული და მაპროგრესირებადი ნერვ-კუნთოვანი დაავადებები მკვეთრად გამოხატული მოტორული მოშლილობებით.

4.თვალის სნეულებანი

ა. სიბრმავე ორივე თვალით;

ბ. მხედველობის სიმახვილე, რომელიც შეუძლებელს ხდის სივცევის № 8 ცხრილის შრიფტის 25 სმ. მანძილიდან წაკითხვას კორექციით, ან მხედველობის სიმახვილე უკეთეს თვალზე 0,5-ზე ნაკლები გადასატანი კორექციით და უარეს თვალზე 0,1-ზე ნაკლები გადასატანი კორექციით.

5. ყელ-ყურ-ცხვირის დაავადებები

ა. სიყრუე ორივე ყურით;

ბ. მაღალი ხარისხის ენაბლუობა, რომელიც მეტყველებას გაუგებარს ხდის;

გ. ხმოვანი იოგების პარეზი;

დ. სიყრუე ერთ ყურზე და სმენის დაქვეითება მეორეზე არა უმცირეს 2 მეტრის მანძილიდან (ტონალური აუდიომეტრიით სმენის სიმახვილე დაქვეითებული 30 დეციბალზე მეტად).

6. კანისა და ვენერიული სნეულებები

ა. სიფილისი (ადრეული ფორმა) მკურნალობის ბოლომდე;

ბ. კეთრი – განკურნებამდე;

გ. მუნი – მკურნალობის დამთავრებამდე;

დ. ტრიქოფიტია, მიკროსპორია,აქტინომიკოზი მკურნალობის დამთავრებამდე და პირველი კონტროლის უარყოფითი შედეგის მიღებამდე;

7. ნარკოლოგია

ა. ნარკომანია, ტოქსიკომანია;

ბ. ალკოჰოლიზმი.

8. ყველა დაავადება, რომლის დროსაც პირი არის შეზღუდული შესაძლებლობის მქონე და საჭიროებს მომვლელს.

დანართი №1ბ

ამოღებულია - საქართველოს შრომის, ჯანმრთელობისა და სოციალური დაცვის მინისტრის 2007 წლის 17 დეკემბრის ბრძანება №352/ნ-სსმIII, №179, 18.12.2007წ.; მუხ. 1975

დანართი № 1გ

დანართი № 2

ამოღებულია - საქართველოს შრომის, ჯანმრთელობისა და სოციალური დაცვის მინისტრის 2007 წლის 17 დეკემბრის ბრძანება №352/ნ-სსმIII, №179, 18.12.2007წ.; მუხ. 1975