სახელმწიფო სარეგისტრაციო კოდი 470.140.000.11.119.005.221
საქართველოს შრომის, ჯანმრთელობისა და სოციალური დაცვის მინისტრის
ბრძანება №75/ნ
2002 წლის 26 მარტი
ქ. თბილისი
„ საქართველოში დედათა და ბავშვთა სიკვდილიანობასთან ბრძოლის კომისიის შექმნის შესახებ” საქართველოს შრომის, ჯანმრთელობისა და სოციალური დაცვის მინისტრის 2000 წლის 14 ნოემბრის №203/ნ ბრძანებაში ცვლილებისა და დამატებების შეტანის თაობაზე
„ ჯანმრთელობის დაცვის შესახებ” საქართველოს კანონის 132-ე და 133-ე მუხლის შესაბამისად, ვბრძანებ:
1. „ საქართველოში დედათა და ბავშვთა სიკვდილიანობასთან ბრძოლის კომისიის შექმნის შესახებ” საქართველოს შრომის, ჯანმრთელობისა და სოციალური დაცვის მინისტრის 2000 წლის 14 ნოემბრის №203/ნ (სს მ III, 2000წ., №112, მუხ. 919 ) ბრძანებაში შეტანილ იქნეს შემდეგი ცვლილება და დამატებები:
ა) ბრძანების პირველი პუნქტით დამტკიც ებული საქართველოში დედათა და ბავშვთა სიკვდილიანობასთან ბრძოლის კომისიის შემადგენლობიდან (დანართი №1) გამოყვანილ იქნეს:
მანანა ჟვანია – თსსუ პედიატრიის კათედრის გამგე;
ბ) ამავე კომისიის შემადგენლობაში შეყვანილ იქნენ:
ლირა თოფურიძე – საქართველოს შრომის, ჯანმრთელობისა და სოციალური დაცვის სამინისტროს ჯანმრთელობის დაცვის პოლიტიკის დეპარტამენტის უფროსი;
ცაცა ხიტალიშვილი – საქართველოს შრომის, ჯანმრთელობისა და სოციალური დაცვის სამინისტროს ჯანმრთელობის დაცვის პოლიტიკის დეპარტამენტის მთავარი სპეციალისტი (პასუხისმგებელი მდივანი);
თენგიზ ასათიანი – საქართველოს რეპროდუქტოლოგთა და მეან-გინეკოლოგთა ასოციაციის ვიცე- პრეზიდენტი.
2. ბრძანება ძალაშია გამოქვეყნებისთანავე.
ა. გამყრელიძე