სახელმწიფო სარეგისტრაციო კოდი 010.240.020.11.106.004.968
საქართველოს იუსტიციის მინისტრის
ბრძანება №359
2001 წლის 18 სექტემბერი
ქ. თბილისი
„საქართველოს იუსტიციის სამინისტროს საფინანსო-სამეურნეო დეპარტამენტის დებულების შესახებ” საქართველოს იუსტიციის მინისტრის 2001 წლის 18 იანვრის №25 ბრძანებაში ცვლილებების შეტანის შესახებ
„ნორმატიული აქტების შესახებ” საქართველოს კანონის 36-ე მუხლის მოთხოვნათა შესაბამისად, ვბრძანებ:
1. „საქართველოს იუსტიციის სამინისტროს საფინანსო-სამეურნეო დეპარტამენტის დებულების შესახებ” საქართველოს იუსტიციის მინისტრის 2001 წლის 18 იანვრის №25 ბრძანებაში შეტანილ იქნეს შემდეგი ცვლილებები:
ა) ამოღებულ იქნას ბრძანების მე-2 პუნქტი;
ბ) ბრძანების მე-3 პუნქტში და ბრძანებით დამტკიცებულ № 3 დანართის სათაურსა და ტექსტში სიტყვები „საფინანსო-სამეურნეო დეპარტამენტის მსჯავრდებულთა და პატიმართა შრომითი რეაბილიტაციის სამმართველოს” შეიცვალოს სიტყვებით „სასჯელაღსრულების დეპარტამენტის საერთო სამსახურის მსჯავრდებულთა შრომითი რეაბილიტაციის განყოფილების”;
გ) ბრძანებით დამტკიცებული საქართველოს იუსტიციის სამინისტროს საფინანსო-სამეურნეო დეპარტამენტის დებულების 32-ე პუნქტიდან ამოღებულ იქნას „ე” ქვეპუნქტი.
2. ეს ბრძანება ამოქმედდეს გამოქვეყნებისთანავე.
მ. სააკაშვილი