საქართველოს მთავრობის
დადგენილება №6
2010 წლის 12 იანვარი
ქ. თბილისი
„საჯარო სამართლის იურიდიული პირის – ლევან სამხარაულის სახელობის სასამართლო ექსპერტიზის ეროვნული ბიუროს მომსახურების ტარიფების დამტკიცების შესახებ“ საქართველოს მთავრობის 2009 წლის 16 მარტის №47 დადგენილებაში ცვლილების შეტანის თაობაზე
მუხლი 1
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად “საჯარო სამართლის იურიდიული პირის – ლევან სამხარაულის სახელობის სასამართლო ექსპერტიზის ეროვნული ბიუროს მომსახურების ტარიფების დამტკიცების შესახებ“ საქართველოს მთავრობის 2009 წლის 16 მარტის №47 დადგენილებაში (სსმ III, 2009 წელი, №30, მუხლი 364) შეტანილ იქნეს ცვლილება და 12 პუნქტი ჩამოყალიბდეს ახალი რედაქციით:
„12. საჯარო სამართლის იურიდიულმა პირმა – ლევან სამხარაულის სახელობის სასამართლო ექსპერტიზის ეროვნულმა ბიურომ საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – აღსრულების ეროვნული ბიუროსათვის საჭირო საექსპერტო მომსახურების გაწევა განახორციელოს შესაბამისი ხელშეკრულებით გათვალისწინებული პირობებით, ამ დადგენილებით განსაზღვრული ტარიფების გაუთვალისწინებლად.“.
მუხლი 2
დადგენილება ამოქმედდეს გამოქვეყნებისთანავე.
პრემიერ-მინისტრი ნ. გილაური