საქართველოს ეროვნული ბანკის 2007 წლის ანგარიშგების გარე აუდიტის დანიშვნის თაობაზე

საქართველოს პარლამენტის დადგენილება

საქართველოს პარლამენტი ადგენს:

1. საქართველოს ეროვნული ბანკის 2007 წლის ანგარიშგების აუდიტორად დაინიშნოს აუდიტორული ფირმა შპს „KPMG CIS“-ის თბილისის (საქართველოს) ფილიალი.

2. საქართველოს ეროვნული ბანკის აუდიტორული შემოწმების სრული ღირებულება განისაზღვროს 115640 აშშ დოლარის ეკვივალენტით ლარებში.

3. საქართველოს ეროვნული ბანკის 2007 წლის ანგარიშგების გარე აუდიტის ხარჯები გასწიოს საქართველოს ეროვნულმა ბანკმა.

4. დაევალოს საქართველოს ეროვნულ ბანკს, აუდიტორულ ფირმასთან შპს ,,KPMG CIS“-ის თბილისის (საქართველოს) ფილიალთან გააფორმოს ხელშეკრულება.

5. ეს დადგენილება ამოქმედდეს გამოქვეყნებისთანავე.

საქართველოს პარლამენტის თავმჯდომარის

მოვალეობის შემსრულებელი მ. მაჭავარიანი

თბილისი,

2007 წლის 14 დეკემბერი.

№5622–IIრს