მეჩაიეობის რეაბილიტაციისათვის გასატარებელი ღონისძიებების შესახებ

საქართველოს პარლამენტის დადგენილება

საქართველოს პარლამენტი ადგენს:

1. საქართველოს მთავრობამ შეიმუშაოს და მიმდინარე წლის 1 ოქტომბრამდე საქართველოს პარლამენტს წარუდგინოს მეჩაიეობის განვითარების სტრატეგია, რომელშიც საბაზრო გარემოსადმი დარგის ადაპტაციის საფუძველზე განსაზღვრული იქნება არსებული მდგომარეობის გაუმჯობესების გზები.

2. ამ დადგენილების შესრულებაზე კონტროლი განახორციელოს საქართველოს პარლამენტის აგრარულ საკითხთა კომიტეტმა.

3. ეს დადგენილება ამოქმედდეს გამოქვეყნებისთანავე.

საქართველოს პარლამენტის

თავმჯდომარე ნ. ბურჯანაძე

თბილისი,

2006 წლის 30 ივნისი.

№3417–რს