საჯარო სამართლის იურიდიული პირის - ნოდარ დუმბაძის სახელობის მოზარდმაყურებელთა პროფესიული სახელმწიფო თეატრის შექმნის შესახებ

საქართველოს პრეზიდენტის

ბრძანებულება №521

2004 წლის 18 ნოემბერი

ქ. თბილისი

საქართველოს პრეზიდენტის 2013 წლის 14 ივნისის ბრძანებულება №445 – ვებგვერდი, 14.06.2013წ.

„საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად:

1. შეიქმნას საჯარო სამართლის იურიდიული პირი - ნოდარ დუმბაძის სახელობის მოზარდმაყურებელთა პროფესიული სახელმწიფო თეატრი (შემდეგში - თეატრი).

2. საქართველოს კულტურისა და ძეგლთა დაცვის სამინისტრომ:

ა) უზრუნველყოს თეატრის დებულების დამტკიცება და წარმომადგენლობაზე უფლებამოსილი პირის დანიშვნა;

ბ) განახორციელოს თეატრის სახელმწიფო კონტროლი.

3. საქართველოს ეკონომიკური განვითარების სამინისტრომ (კ. ბენდუქიძე) გააფორმოს თეატრთან ხელშეკრულება თეატრისათვის თბილისში, დავით აღმაშენებლის გამზირის № 99/1-ში მდებარე შენობის უსასყიდლო უზუფრუქტის ფორმით გადაცემის თაობაზე.

მ. სააკაშვილი