საქართველოს პრეზიდენტის
ბრძანებულება №328
2004 წლის 14 აგვისტო
ქ. თბილისი
„საქართველოს რესპუბლიკის მთავრობასა და ირანის ისლამური რესპუბლიკის მთავრობას შორის 1993 წლის 20 იანვრის საჰაერო ტრანსპორტის შესახებ შეთანხმების დამატებითი ოქმის“ დამტკიცებისა და ძალაში შესვლის თაობაზე
1. ძალაში შესვლის მიზნით დამტკიცდეს ქ. თეირანში 2004 წლის 7 ივლისს ხელმოწერილი „საქართველოს რესპუბლიკის მთავრობასა და ირანის ისლამური რესპუბლიკის მთავრობას შორის 1993 წლის 20 იანვრის საჰაერო ტრანსპორტის შესახებ შეთანხმების დამატებითი ოქმი“.
2. საქართველოს საგარეო საქმეთა სამინისტრომ (ს. ზურაბიშვილი):
ა) აცნობოს საქართველოს პარლამენტს ამ ბრძანებულების პირველ პუნქტში აღნიშნული შეთანხმების დამატებითი ოქმის ხელმოწერის შესახებ;
ბ) შეატყობინოს ირანის ისლამური რესპუბლიკის მთავრობას ამ ბრძანებულების პირველ პუნქტში აღნიშნული შეთანხმების დამატებითი ოქმის ძალაში შესვლისათვის აუცილებელი საქართველოს შიდასახელმწიფოებრივი სამართლებრივი პროცედურის შესრულების თაობაზე.
მ. სააკაშვილი