საქართველოს პრეზიდენტის
ბრძანებულება №320
2004 წლის 11 აგვისტო
ქ. თბილისი
„საჯარო სამართლის იურიდიული პირის – საქართველოს სოციალური ინვესტიციების ფონდის დებულებისა და სამეთვალყურეო საბჭოს შემადგენლობის დამტკიცების შესახებ“ საქართველოს პრეზიდენტის 2003 წლის 28 მარტის №105 და „საქართველოს სოციალური ინვესტიციების ფონდის შექმნის შესახებ“ საქართველოს პრეზიდენტის 1996 წლის 16 აგვისტოს №527 ბრძანებულებებში ცვლილებების შეტანის თაობაზე
საქართველოს სოციალური ინვესტიციების ფონდის მიერ საინვესტიციო პროექტების შეუფერხებელი განხორციელების უზრუნველყოფის მიზნით:
1. „საჯარო სამართლის იურიდიული პირის _ საქართველოს სოციალური ინვესტიციების ფონდის დებულებისა და სამეთვალყურეო საბჭოს შემადგენლობის დამტკიცების შესახებ“ საქართველოს პრეზიდენტის 2003 წლის 28 მარტის №105 ბრძანებულებით დამტკიცებული დებულების მე-3 მუხლის მე-2 პუნქტი ჩამოყალიბდეს შემდეგი რედაქციით:
„2. ფონდის სამეთვალყურეო საბჭო შედგება რვა წევრისაგან თავმჯდომარის ჩათვლით, რომლებსაც ნიშნავს და ათავისუფლებს საქართველოს პრეზიდენტი. სამეთვალყურეო საბჭოს 6 წევრი ინიშნება აღმასრულებელი ხელისუფლებიდან, ერთი „საქართველოს პარლამენტიდან და ერთი „არასამთავრობო ორგანიზაციიდან“.
2. ,,საქართველოს სოციალური ინვესტიციების ფონდის შექმნის შესახებ“ საქართველოს პრეზიდენტის 1996 წლის 16 აგვისტოს №527 ბრძანებულების მე-3 პუნქტით შექმნილი საჯარო სამართლის იურიდიული პირის – საქართველოს სოციალური ინვესტიციების ფონდის სამეთვალყურეო საბჭოს შემადგენლობა განისაზღვროს შემდეგი რედაქციით:
დავით ამაღლობელი – საქართველოს ფინანსთა მინისტრის მოადგილე – საბჭოს მდივანი
კახა ბენდუქიძე – საქართველოს ეკონომიკური განვითარების მინისტრი
ალექსანდრე ლომაია – საქართველოს განათლებისა და მეცნიერების მინისტრი
ზურაბ მელიქიშვილი – საქართველოს სახელმწიფო მინისტრი რეგიონალური პოლიტიკისა და ადგილობრივი თვითმმართველობისა და მმართველობის ორგანოებთან ურთიერთობის საკითხებში
ზურაბ ნოღაიდელი – საქართველოს ფინანსთა მინისტრი
ანი ქათამაძე – საქართველოს ახალგაზრდა ეკონომისტთა ასოციაციის აღმასრულებელი დირექტორი
გიგი წერეთელი – საქართველოს პარლამენტის წევრი
ვლადიმერ ჭიპაშვილი – საქართველოს შრომის, ჯანმრთელობისა და სოციალური დაცვის მინისტრი.
მ. სააკაშვილი