საქართველოს პრეზიდენტის
ბრძანებულება №46
2004 წლის 9 თებერვალი
ქ. თბილისი
„მოსამსახურეთათვის სამსახურებრივი მივლინების ხარჯების ანაზღაურების შესახებ“ საქართველოს პრეზიდენტის 1998 წლის 4 აპრილის №220 ბრძანებულების №4 დანართში დამატების შეტანის თაობაზე
შეტანილ იქნეს ცვლილება საქართველოს პრეზიდენტის 1998 წლის 4 აპრილის №220 ბრძანებულების (საქართველოს პრეზიდენტის ბრძანებულებების და განკარგულებების კრებული №7, გვ.76) №4 დანართში და ამ დანართით გათვალისწინებული შენიშვნები ჩამოყალიბდეს შემდეგი რედაქციით:
„1. საქართველოს პრეზიდენტის დღიური ნორმის დანამატი განისაზღვროს 300 აშშ დოლარის ეკვივალენტით შესაბამისი ვალუტით.
2. სამთავრობო დელეგაციებს მიეკუთვნებიან ის დელეგაციები, რომელთაც მიენიჭათ უფლება გამოვიდნენ საქართველოს სახელით.
3. მუშაკებს უფლება აქვთ მიიღონ ამ დანართით გათვალისწინებული მხოლოდ ერთიანი დანამატი.“
მ. სააკაშვილი