საქართველოს პრეზიდენტის
ბრძანებულება №450
ქ. თბილისი 2003 წლის
17 სექტემბერი
„სახელმწიფო წილობრივი მონაწილეობით მოქმედ საწარმოებში წმინდა მოგების განაწილებისას სახელმწიფო ინტერესების დაცვისა და სახელმწიფოს კუთვნილი დივიდენდების ბიუჯეტში ამოღებისა და განაწილების მდგომარეობის გაუმჯობესების ღონისძიებათა შესახებ“ საქართველოს პრეზიდენტის 2003 წლის 13 ივნისის №262 ბრძანებულებაში დამატების შეტანის თაობაზე
სააქციო საზოგადოება „საქართველოს გაზის საერთაშორისო კორპორაციისა“ და მის სისტემაში შემავალი კომპანიებისა და საწარმოების ფინანსური მდგომარეობის ოპტიმიზაციის, მაგისტრალური გაზსადენების სარეაბილიტაციოდ ფულადი რესურსების მოზიდვის, გაზის დანაკარგების თავიდან აცილებისა და ქვეყნის უსაფრთხო გაზმომარაგების უზრუნველყოფის მიზნით:
1. „სახელმწიფო წილობრივი მონაწილეობით მოქმედ საწარმოებში წმინდა მოგების განაწილებისას სახელმწიფო ინტერესების დაცვისა და სახელმწიფოს კუთვნილი დივიდენდების ბიუჯეტში ამოღებისა და განაწილების მდგომარეობის გაუმჯობესების ღონისძიებათა შესახებ“ საქართველოს პრეზიდენტის 2003 წლის 13 ივნისის №262 ბრძანებულებას (სსმ III, 24.06.2003 წ., №61, მუხლი 525) დაემატოს მე-2 პუნქტი შემდეგი რედაქციით:
„2. დაწესდეს, რომ წმინდა მოგებიდან მიღებულ თანხას სააქციო საზოგადოება „საქართველოს გაზის საერთაშორისო კორპორაცია“ ხუთი წლის განმავლობაში სრულად მიმართავს მაგისტრალური გაზსადენების ამორტიზირებული და მწყობრიდან გამოსული მონაკვეთების აღსადგენად და სარეაბილიტაციოდ“.
ე. შევარდნაძე