საქართველოს ტერიტორიაზე მოქმედი დროის ათვლის შესახებ

საქართველოს პრეზიდენტის

ბრძანებულება №454

2003 წლის 22 სექტემბერი

ქ. თბილისი

1. ევროპის ქვეყნების მიერ საზაფხულო დროის შემოღებისა და გაუქმების შეთანხმებული ვადების (ბრიუსელი, 2001 წლის იანვარი) გათვალისწინებით, 2003 წლის 26 ოქტომბრიდან საქართველოს მთელ ტერიტორიაზე გაუქმდეს საზაფხულო დრო (03 საათზე მოხდეს საათის ისრების გადაწევა ერთი საათით უკან).

2. ნება დაერთოთ საქართველოს სამინისტროების, უწყებების, საწარმოებისა და ორგანიზაციების ხელმძღვანელებს მიზანშეწონილობის შემთხვევაში სამუშაო დრო შეამცირონ ერთი საათით, საღამოს საათების ხარჯზე.

ე. შევარდნაძე