“საქართველოს ეროვნული ბანკის” კანონში დამატების შეტანის შესახებ.

საქართველოს კანონი

„საქართველოს ეროვნული ბანკის კანონში“ დამატების შეტანის შესახებ

„საქართველოს 1997 წლის სახელმწიფო ბიუჯეტის შესახებ“ საქართველოს კანონის მიღებასთან დაკავშირებით საქართველოს პარლამენტი ადგენს:

1. საქართველოს ეროვნული ბანკის კანონის („საქართველოს პარლამენტის უწყებები“, 1994-1995 წწ., №27-30, მუხ. 642) 57-ე მუხლს დაემატოს შემდეგი შინაარსის მე-8 პუნქტი:

„8. ეროვნულ ბანკს უფლება აქვს საერთაშორისო სავალუტო ფონდთან ერთობლივი პროგრამის განხორციელების პერიოდში და მის ფარგლებში ამ მუხლის მე-2–მე-7 პუნქტებით დადგენილისაგან განსხვავებული პირობებით სახელმწიფო ბიუჯეტისათვის გასცეს სესხი 5 წლამდე ვადითა და წლიური 15 პროცენტამდე საპროცენტო განაკვეთით“.

2. ეს კანონი ამოქმედდეს გამოქვეყნებისთანავე.

საქართველოს პრეზიდენტი ედუარდ შევარდნაძე.

თბილისი,

1997 წლის 21 თებერვალი.

№591–IIს