„მომხმარებლებთან ფულადი ანგარიშსწორების განხორციელებისას საკონტროლო-სალარო აპარატების გამოყენების შესახებ“ საქართველოს კანონში ცვლილებების შეტანის თაობაზე

„მომხმარებლებთან ფულადი ანგარიშსწორების განხორციელებისას საკონტროლო-სალარო აპარატების გამოყენების შესახებ“ საქართველოს კანონში ცვლილებების შეტანის თაობაზე

საქართველოს კანონი

„მომხმარებლებთან ფულადი ანგარიშსწორების განხორციელებისას საკონტროლო-სალარო აპარატების გამოყენების შესახებ“ საქართველოს კანონში ცვლილებების შეტანის თაობაზე

 მუხლი 1. „მომხმარებლებთან ფულადი ანგარიშსწორების განხორციელებისას საკონტროლო-სალარო აპარატების გამოყენების შესახებ“ საქართველოს კანონში (საქართველოს საკანონმდებლო მაცნე, №29, 18.09.2003, მუხ. 206) შეტანილ იქნეს შემდეგი ცვლილებები:

1. მე-2 მუხლის მე-5 პუნქტი ჩამოყალიბდეს შემდეგი რედაქციით:

„5. ავტოგასამართ სადგურებში საკონტროლო-სალარო აპარატებთან ერთად საგადასახადო ორგანოები ლუქავენ მრიცხველებს, ხოლო საჯარო სამართლის იურიდიული პირი – საქართველოს სტანდარტიზაციის, მეტროლოგიისა და სერტიფიკაციის ეროვნული სააგენტო – მადოზირებელ მექანიზმებს.“.

2. მე-6 მუხლი ჩამოყალიბდეს შემდეგი რედაქციით:

     „მუხლი 6. საკონტროლო-სალარო აპარატების დანერგვასა და გამოყენებაზე კონტროლი

1. საკონტროლო-სალარო აპარატების დანერგვასა და გამოყენებაზე კონტროლს ახორციელებენ მხოლოდ საგადასახადო ორგანოები.

2. საკონტროლო-სალარო აპარატების გამოყენებას დაქვემდებარებული პირები ვალდებულნი არიან საქართველოს ფინანსთა სამინისტროს მიერ დადგენილი წესით უზრუნველყონ ყოველთვიური ანგარიშის წარდგენა საგადასახადო ორგანოებში საკონტროლო-სალარო აპარატების გამოყენების შესახებ.“.

 მუხლი 2. ეს კანონი ამოქმედდეს გამოქვეყნებიდან მე-15 დღეს.

 

საქართველოს პრეზიდენტი     მ. სააკაშვილი

თბილისი,

2004 წლის 29 დეკემბერი.

№921-რს